2Maû 23:9 - ÎVUKU RÎA ÛVORO MWARO

⁹ Nake Jehoiada, mûthînjîri-Ngai nîwanengere anene a athigari a mbaara matumû, ngo irîa ciarî nene na irîa ciarî nini. Matumû na ngo icio ciarî cia mûthamaki Daudi na ciaigîtwe hekarûrî.

2Maû 23:9 ပူးပေါင်းရင်းမြစ်များ

2Sam 8:7

Daudi nîwocire ngo cia thaavu irîa ciakuuîtwe nî ndungata cia Hadadezeri na akîivira Jerusalemu.

1Atha 10:16

Solomoni nîwaturire ngo magana maîrî (200) irîa nene, na wa ngo nîyakunîkirwe na thaavu ya ûrito wa vakuvî kilo mûgwanja.

2Maû 23:10

Mûthînjîri-Ngai Jehoiada nîwaigire andû a kûrangîra mûthamaki wa mûndû anyitîte rûviû na njara. Amwe maarî mwena wa îveti wa hekarû na amwe mwena wa rûgûrû wa hekarû. Engî maathiûrûrûkîrîtie metha ya kîgongoona na hekarû.

2Maû 23:8

Alawi na andû onthe a Juda nîmeekire maûndû monthe wata ûrîa maathirwe nî mûthînjîri-Ngai Jehoiada. Wa mûndû nîwaretire andû ake arîa maaumaga wîrarî mûthenya na arîa maatonyaga wîrarî mûthenya wa thavatû, nîûndû Jehoiada, mûthînjîri-Ngai ndaamarekereria mathiî.

1Sam 21:9

Nake Ahimeleku nîwacokirie atîrî, “Nîrî na rûviû rwa Goliathu, ûrîa waûragîre Kîamndarî Kîam Ela na rûrî vuva wa Efodi rûovetwe na gîtambaa. Ethîrwa nîûkûrwenda rwoce, nîûndû rûu nwaruo rûrî gûkû.” Nake Daudi nîwaugire atîrî, “Nengera ruo, gûtirî rûviû rwîngî rwaro ta ruo.”