2Maû 23:17 - ÎVUKU RÎA ÛVORO MWARO

¹⁷ Nao andû onthe nîmaacokire makîthiî hekarûrî ya Baali na makîmîomomora. Nîmaaunangire metha ciake cia magongoona na mîvuanano yake na makîûragîra Matani, mûthînjîri-ngai wa Baali vau mbere ya metha cia magongoona.

2Maû 23:17 ပူးပေါင်းရင်းမြစ်များ

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

2Maû 34:4

Nîwathire metha cia Baali cia magongoona kûrîa aagoocagîrwa imomomorwe, metha cia magongoona cia kûvîvîrua ûbani irîa ciarî vakuvî nacio na akiunanga mîvuanano ya Ashera na mîvuanano îngî yonthe na magîcoka makîmîthîa îgîtuîka rûkûngû na makîrûnyagia mbîrîrarî cia andû arîa maairutîrîte magongoona.

2Maû 34:7

Nîwaunangire metha cia magongoona na mîvuanano ya Ashera na akîithîa igîtuîka mûtutu. Nîwacokire agîtemanga metha cia magongoona cia kûvîvîrua ûbani vûrûrirî wonthe wa Isiraeli na agîcoka Jerusalemu.

Isaia 2:18

Mîvuanano yonthe nîkaathira viû.

Gûco 12:3

Mûkoomomora metha ciao cia magongoona na mûcûkangie mîvuanano ya Baali na mûvîvie mîvuanano ya Ashera. Mûgaatemanga mîvuanano ya ngai ciao nîguo itikagoocwe kuo rîngî.