2Maû 23:11 - ÎVUKU RÎA ÛVORO MWARO

¹¹ Jehoiada nîwacokire akîvira Joashi nja, akîmwîkîra ngovia ya ûthamaki kîongo na akîmûnengera mawatho ma ûthamaki. Nîmaacokire makîmûtua mûthamaki. Jehoiada na avîcî ake nîmaamwîtîrîrie maguta na makiuga atîrî, “Mûthamaki, ûrotûûratûûra!”

2Maû 23:11 ပူးပေါင်းရင်းမြစ်များ

2Sam 1:10

Kwoguo Nînathiîre na ngîmûûraga nîûndû nînaamenyaga atî ke ndangîavonire nîûndû aarî mûmunde mûno. Nînacokire ngîoca nthûmbî îrîa eekîrîte kîongorî gîake na mvang'iri îrîa yarî njararî yake na nîcio nakûretere, mwathi wakwa.”

2Sam 16:16

Rîrîa Hushai, ûrîa warî mûrata ûrîa mwîvokeku wa Daudi aakinyire kûrî Abusalomu, nîwerire Abusalomu atîrî, “Ûrotûûratûûra mûthamaki! Ûrotûûratûûra mûthamaki!”

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

1Atha 1:39

Makinya kuo, Zadoku mûthînjîri-Ngai nîwocire rûvîa rwa maguta rûrîa aaigîte îgemarî rîa Ngai-Mûnene na agîtîrîria Solomoni maguta. Nîmaacokire makîvuva karumbeta nao andû onthe makiugîrîria atîrî, “Mûthamaki Solomoni ûrotûûratûûra!”

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

2Maû 22:11

Nwatî Jehosheba, mwarî wa mûthamaki Jehoramu, nîwocire Joashi mûvîcî wa Ahazia, akîmwîa kuuma kûrî anake acio engî a nyomba ya ûthamaki nîûndû maarî vakuvî kûragwa. Nîwathithire Joashi nyombarî ya kûmamwa arî na mûndû wa kûmûmenyerera. Jehosheba aarî mwarî wa mûthamaki Jehoramu na aarî mwarwang'ina na Ahazia. Jehosheba aavikîtue nî mûthînjîri-Ngai Jehoiada. Jehosheba aathithire Joashi nîguo ndakaaûragwe nî Athalia.

2Maû 23:10

Mûthînjîri-Ngai Jehoiada nîwaigire andû a kûrangîra mûthamaki wa mûndû anyitîte rûviû na njara. Amwe maarî mwena wa îveti wa hekarû na amwe mwena wa rûgûrû wa hekarû. Engî maathiûrûrûkîrîtie metha ya kîgongoona na hekarû.

2Maû 23:12

Rîrîa Athalia eegwire înegene rîa andû mavinyûrîte magîkumagia mûthamaki, nîwathiîre hekarûrî kûrîa andû maarî.

Thaburi 132:18

Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”

Thaburi 21:3

Nîwaûkire kûrî ke na irathimo nyîngî, na ûkîmwîkîra nthûmbî ya thaavu kîongorî gîake.

Thaburi 78:5

Nîwavere andû a Isiraeli mawatho, na njiarwa cia Jakovu akîiva maathani. Nîwerire methe metû mathomithagie ciana ciao mawatho make,

Thaburi 89:20

Nîmonete Daudi ndungata yakwa, nîmwamûrîte na ngamwîtîrîria maguta makwa matheru.

Thaburi 89:39

Nîûcûkîtie kîrîkanîro kîrîa warûthire na ndungata yaku, na nîûmûrutîte nthûmbî yake na ûkamikia rûkûngûrî.

Ntha 25:16

Nacio ivengere cia mathiga igîrî irîa ngûkûnengera ciandîkîtwe mawatho cigwe îthandûkûrî ndaarî.

Ntha 25:21

Ivengere irîa igîrî cia mathiga ciîkîre îthandûkûrî na ûcoke ûkunîke îthandûkû.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 8:16

Nîngûmenyerera maathani mama na nîmathomithie kûrî arutwa akwa.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

Kûguû 19:12

Metho make maakanîte ta mwaki mûkengu mûno. Kîongorî gîake nîwekîrîte nthûmbî nyîngî. Mwîrîrî wake nîkwandîkîtwe rîîtwa, nwatî gûtirî mûndû ûngîarîmenyire tiga Ke mwene.

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 4:4

Navo vaarî na itî ciîngî mîrongo îîrî na inya cia ûthamaki ciathiûrûrûkîrîtie gîtî kîu Kîam ûthamaki. Nao athuuri mîrongo îîrî na ana nîmaaciîkarîrîte. Athuuri acio meekîrîte nguo cia rangi njerû na ciongorî ciao maarî na nthûmbî cia thaavu.

Kûguû 5:10

We nîûmatuîte rûrîrî rwa athînjîri-Ngai a gûtungatîra Ngai na nîmakaathana gûkû nthî.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”