2Maû 22:7 - ÎVUKU RÎA ÛVORO MWARO

⁷ Ngai nîwathondekete mûvango wa kûûraga Ahazia. Kwoguo rîrîa Ahazia aakinyire Jezireeli, nîmaaumagarire na mûthamaki Joramu nîguo mathiî magatûnge Jehu mûvîcî wa Nimushi. Ngai-Mûnene nîwathuurîte Jehu nîguo akathirie mûciî wa Ahabu.

2Maû 22:7 ပူးပေါင်းရင်းမြစ်များ

1Atha 12:15

Kwoguo mûthamaki nîwaregire kûthikîrîria andû; nîûndû wendi wa Ngai-Mûnene warî wa kûvingia ûrîa eerîte Jeroboamu, mûvîcî wa Nebati na njîra ya mûrathi Ahija wa Shilo.

1Atha 12:24

“Mûtikathiî kûtharîkîra aa mûrwanyûkwe, andû a Isiraeli. Cokani muonthe wa mûndû gwake mûciî, nîûndû ûndû ûyû wîkîkîte na wendi wakwa.” Kwoguo nîmaathîkîre Ngai-Mûnene na magîcoka kwao mîciî wata ûrîa Ngai-Mûnene amaathîte.

1Atha 19:16

wîtîrîrie Jehu mûvîcî wa Nimushi maguta nîguo atuîke mûthamaki wa Isiraeli, na wîtîrîrie Elisha mûvîcî wa Shafati kuuma Abeli Mehola maguta nîguo atuîke mûrathi vuva waku.

1Atha 22:20

Ngai-Mûnene nîwaûririe atîrî, ‘Nîûrîkû ûkûthiî aveenererie Ahabu nîguo etîkîre kûthiî nîguo akaûragîrwe Ramothi-gileadi?’ Wa mûraika nîwacokirie wa ûrîa eeciragia.

2Atha 10:11

Kwoguo Jehu nîwaûragire andû acio engî onthe a nyomba ya Ahabu arîa maatûûraga Jezireeli, vamwe na ndungata ciake cionthe, arata ake a vakuvî na athînjîri-Ngai. Gûtirî wanarî ûmwe wao watigarire arî mwoyo.

2Atha 9:21

Joramu, mûthamaki wa Isiraeli nîwaugire atîrî, “Mvarîrîriai gîkaari gîakwa.” Nakîo nîkîavarîrîrue. Joramu na Ahazia, mûthamaki wa Juda nîmaatwîre wa mûndû gîkaarirî gîake na makîthiî gûtûnga Jehu. Nîmaacemanirie nake mûgûndarî ûrîa warî wa Nabothi, Mûjezireeli.

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

2Maû 22:6

Joramu nîwacokire îtûûrarî rîa Jezireeli nîguo akavonie ironda irîa aagîte nacio arî mbaararî Ramothi-gileadi vîndî îrîa maarûaga na Hazaeli, mûthamaki wa Sîria. Nake Ahazia mûvîcî wa Jehoramu, mûthamaki wa Juda, nîwanyûrûrûkire akîthiî Jezireeli gûcerera Joramu mûvîcî wa Ahabu nîûndû aarî mûrwaru.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Nthi 16:9

Mûndû nîavangaga maûndû make, nwatî Ngai-Mûnene nîke wonagia mûndû ûrîa agwîka.

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Malaki 4:3

Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Josh 11:20

Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

Atir 14:4

Aciari a Samusoni matiamenyaga atî nî Ngai-Mûnene wendaga Samusoni eke ûguo. Ngai-Mûnene aacaragia kanya ga kûvûûra Afilisiti. Vîndî îo Afilisiti nîo maathaga Aisiraeli.