2Maû 22:6 - ÎVUKU RÎA ÛVORO MWARO

⁶ Joramu nîwacokire îtûûrarî rîa Jezireeli nîguo akavonie ironda irîa aagîte nacio arî mbaararî Ramothi-gileadi vîndî îrîa maarûaga na Hazaeli, mûthamaki wa Sîria. Nake Ahazia mûvîcî wa Jehoramu, mûthamaki wa Juda, nîwanyûrûrûkire akîthiî Jezireeli gûcerera Joramu mûvîcî wa Ahabu nîûndû aarî mûrwaru.

2Maû 22:6 ပူးပေါင်းရင်းမြစ်များ

2Atha 8:29

Mûthamaki Joramu nîwacokire îtûûrarî înene rîa Jezireeeli nîguo akavorere ironda kuo, nake Ahazia mûvîcî wa Jehoramu mûthamaki wa Juda nîwathiîre Jezireli kûmûcerera nîûndû aarî mûrwaru.

2Atha 9:15

nwatî mûthamaki Joramu nîwacokete Jezireeli nîguo akavorere ironda kuo irîa aativîrîtue mbaararî kûu Ramothu rîrîa maarûaga na Hazaeli, mûthamaki wa Sîria.) Kwoguo Jehu nîwerire anene acio engî atîrî, “Ethîrwa nîmwetîkania nanie, mûtikareke wanarî mûndû ûmwe auma gûkû Ramothu athiî kwîra andû a Jezireeli ûvoro ûcio.”

2Maû 21:17

Nao nîmaatharîkîre Juda na magîtava ûtonga wonthe ûrîa warî nyomba kwa mûthamaki Jehoramu wana avîcî ake na aka ake. Mûvîcî ûrîa warî mûnini mûno wetagwa Ahazia nwake wenga watigirwe.

2Maû 22:1

Gîkundi Kîam andû arîa maaûkîte na Arabu nîmaatharîkîrîte na makaûraga anake onthe a Jehoramu arîa maarî akûrû kûrî Ahazia. Ahazia tu nîke mwanake ûrîa watigarire, kwoguo andû a Jerusalemu nîmaamûtuire mûthamaki vuva wa îthe, Jehoramu.

2Maû 22:5

Ahazia nîwarûmîrîre ûtaaro wa andû acio na akînyitanîra na Joramu, mûvîcî wa Ahabu na makîthiî kûrûa na Hazaeli, mûthamaki wa Sîria. Maarûagîra Ramothi-gileadi na Joramu nîwagurarirue.

2Maû 22:7

Ngai nîwathondekete mûvango wa kûûraga Ahazia. Kwoguo rîrîa Ahazia aakinyire Jezireeli, nîmaaumagarire na mûthamaki Joramu nîguo mathiî magatûnge Jehu mûvîcî wa Nimushi. Ngai-Mûnene nîwathuurîte Jehu nîguo akathirie mûciî wa Ahabu.

Josh 15:56

Jezireeli, Jokideamu, Zanoa,