2Maû 22:2 - ÎVUKU RÎA ÛVORO MWARO

² Ahazia aatuîkire mûthamaki arî na ûkûrû wa mîaka mîrongo îna na îîrî (42). Nîwathanire arî Jerusalemu îvinda rîa mwaka ûmwe (1). Ng'ina eetagwa Athalia mwarî wa mûthamaki Ahabu. Athalia aarî mwana wa mwarî wa Omuri, mûthamaki wa Isiraeli.

2Maû 22:2 ပူးပေါင်းရင်းမြစ်များ

1Atha 16:28

Omuri nîwacokire agîkua na akîthikwa kûu Samaria, nake mûvîcî Ahabu agîtuîka mûthamaki vuva wake.

2Atha 8:18

Mûka aarî mwarî wa Ahabu. Kwoguo nîwekire maûndû macûku wata marîa meekagwa nî andû a nyomba ya Ahabu na athamaki a Isiraeli. Nîwevîrie Ngai-Mûnene,

2Atha 8:26

Ahazia aarî na ûkûrû wa mîaka mîrongo îîrî na îîrî (22) rîrîa aatuîkire mûthamaki, na aathanire arî Jerusalemu îvinda rîa mwaka ûmwe. Ng'ina eetagwa Athalia, ûrîa warî ûcûwe wa Omuri, mûthamaki wa Isiraeli.

2Maû 21:6

Nîwavikirie mwarî wa Ahabu, mûthamaki wa Isiraeli. Kwoguo nîwarûmîrîre mîthiîre ya athamaki a Isiraeli na nîwekire maûndû macûku mbere ya Ngai-Mûnene.

2Maû 22:1

Gîkundi Kîam andû arîa maaûkîte na Arabu nîmaatharîkîrîte na makaûraga anake onthe a Jehoramu arîa maarî akûrû kûrî Ahazia. Ahazia tu nîke mwanake ûrîa watigarire, kwoguo andû a Jerusalemu nîmaamûtuire mûthamaki vuva wa îthe, Jehoramu.

2Maû 22:3

Ahazia nîwarûmîrîre mîthiîre ya andû a mûciî wa mûthamaki Ahabu nîûndû Ahazia aataaragwa nî ng'ina Athalia. Athalia aarî mwarî wa Ahabu.