2Maû 22:11 - ÎVUKU RÎA ÛVORO MWARO

¹¹ Nwatî Jehosheba, mwarî wa mûthamaki Jehoramu, nîwocire Joashi mûvîcî wa Ahazia, akîmwîa kuuma kûrî anake acio engî a nyomba ya ûthamaki nîûndû maarî vakuvî kûragwa. Nîwathithire Joashi nyombarî ya kûmamwa arî na mûndû wa kûmûmenyerera. Jehosheba aarî mwarî wa mûthamaki Jehoramu na aarî mwarwang'ina na Ahazia. Jehosheba aavikîtue nî mûthînjîri-Ngai Jehoiada. Jehosheba aathithire Joashi nîguo ndakaaûragwe nî Athalia.

2Maû 22:11 ပူးပေါင်းရင်းမြစ်များ

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

1Atha 15:4

Nwatî nîûndû wa Daudi, Ngai-Mûnene, Ngai wake nîwavere Abija mwana wa kavîcî karîa gagaatuîka mûthamaki vuva wake nîguo gatuîke taa ya kûtherera Jerusalemu na kaige îtûûra rîu rîa Jerusalemu rîrî na vinya.

2Atha 11:2

Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

2Maû 21:7

Kûnarî ûguo, Ngai-Mûnene ndaathiria wathani wa Daudi nîûndû nîwarûthîte kîrîkanîro nake, atî njiarwa ciake nîitûûra ciathanaga tene na tene.

2Maû 22:10

Rîrîa Athalia, ng'ina wa Ahazia aamenyire atî mûvîcî nî mûkuû, nîwaûragithirie andû onthe a nyomba ya ûthamaki wa Juda.

2Maû 22:12

Joashi nîwekarire athithîtwe hekarûrî îvinda rîa mîaka îtandatû (6) rîrîa Athalia aathanaga vûrûrirî ûcio.

2Maû 23:1

Mwakarî wa mûgwanja, mûthînjîri-Ngai Jehoiada nîweyûmîrîrie, akîrûtha ngwatanîro na anene a ikundi cia athigari magana a mbaara. Anene acio maarî: Azaria mûvîcî wa Jerohamu, Ishumaeli mûvîcî wa Jehohanani, Azaria mûvîcî wa Obedi, Maaseia mûvîcî wa Adaia na Elishafati mûvîcî wa Zikiri.

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Ntha 8:3

Ciûra nîigeecûra rûnjîrî rwa Nailo na imwe ciume kuo ithiî gwaku nyomba. Nyomba yaku ya kûmama, ûrîrî waku, nyomba cia anene aku na cia andû aku, wana nginya kûrîa kûrugagîrwa irio na indorî irîa ikimagîrwa mûtu nîigeecûrwa nî ciûra.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 65:8

Ngai-Mûnene arauga atîrî, “Andû moona thavibu inyitanîte vamwe irî mbaro meranaga atî: ‘Tûtikaithûkie, nîûndû nwa ciume ndivei.’ Ûguo nîguo ngeeka nîûndû wa ndungata ciakwa, na ndikaamathiria onthe.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.