2Maû 21:7 - ÎVUKU RÎA ÛVORO MWARO

⁷ Kûnarî ûguo, Ngai-Mûnene ndaathiria wathani wa Daudi nîûndû nîwarûthîte kîrîkanîro nake, atî njiarwa ciake nîitûûra ciathanaga tene na tene.

2Maû 21:7 ပူးပေါင်းရင်းမြစ်များ

2Sam 21:17

Nwatî Abishai mûvîcî wa Zeruia nîwathiîre gûtethia Daudi. Nîwatharîkîre Mûfilisiti ûcio na akîmûraga. Nao andû a Daudi nîmaacokire makîmwîrîra na mwîvîtwa atîrî, “Tûtikaathiî mbaararî nawe rîngî, nîûndû we nîwe kîîrîgîrîro gîetû, na tûtingîenda kûrwa nîwe.”

2Sam 23:5

Ûguo nîguo Ngai akaarathima njiarwa ciakwa, nîûndû nîwathondekire kîrîkanîro Kîam gûtûûra tene na tene nanie, kîrîkanîro kîu nî kîrûmu na gîtingîcenjekia. Ûndû ûcio nîguo nîîriragîria; nîûndû nîguo ûgaatuîka ûvootani wakwa, Ngai nîagaatûma ûndû ûcio ûvinge.

1Atha 11:13

Ndikaamûcuuna ûthamaki wonthe, nwatî nîngaava mûvîcîguo mûvîrîga ûmwe nîûndû wa gîtîîo Kîam ndungata yakwa Daudi na nîûndû wa gîtîîo Kîam îtûûra rîa Jerusalemu rîrîa nîîthuurîrîte.”

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

1Atha 15:4

Nwatî nîûndû wa Daudi, Ngai-Mûnene, Ngai wake nîwavere Abija mwana wa kavîcî karîa gagaatuîka mûthamaki vuva wake nîguo gatuîke taa ya kûtherera Jerusalemu na kaige îtûûra rîu rîa Jerusalemu rîrî na vinya.

2Atha 8:19

nwatî Ngai-Mûnene ndenda gûcûkangia Juda nîûndû nîwerîrîte ndungata yake Daudi atî njiarwa ciake nîitûûra ciathanaga.

2Atha 8:24

Kwoguo Jehoramu nîwakwire na akîthikwa mbîrîrarî cia methe make kûu îtûûrarî rîrîa înene rîa Daudi; nake Ahazia, mûvîcî nîwatuîkire mûthamaki vuva wake.

2Maû 22:11

Nwatî Jehosheba, mwarî wa mûthamaki Jehoramu, nîwocire Joashi mûvîcî wa Ahazia, akîmwîa kuuma kûrî anake acio engî a nyomba ya ûthamaki nîûndû maarî vakuvî kûragwa. Nîwathithire Joashi nyombarî ya kûmamwa arî na mûndû wa kûmûmenyerera. Jehosheba aarî mwarî wa mûthamaki Jehoramu na aarî mwarwang'ina na Ahazia. Jehosheba aavikîtue nî mûthînjîri-Ngai Jehoiada. Jehosheba aathithire Joashi nîguo ndakaaûragwe nî Athalia.

2Maû 23:3

Andû acio onthe nîmaagomanire vamwe hekarûrî na makîrûtha kîrîkanîro na Joashi mûvîcî wa mûthamaki. Nake Jehoiada nîwamerire atîrî, “Ûyû nîke mûvîcî wa mûthamaki! Tigani atuîke mûthamaki wata ûrîa Ngai-Mûnene eeranîrîte ûvoro wîgiî njiarwa cia Daudi.

2Maû 6:16

Rîu we Ngai-Mûnene, Ngai wa Isiraeli, vingia kîîranîro kîrîa werîre vava Daudi ndungata yaku. Wamwîrire atî vîndî cionthe nî gûkethagîrwa kûrî na mûndû kuuma njiarwarî ciake wa gwîkarîra gîtî Kîam ûthamaki Kîam Isiraeli ethîrwa nî igûtûûra ciathîkagîra watho waku ta ûrîa ke eekaga.

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Thaburi 89:39

Nîûcûkîtie kîrîkanîro kîrîa warûthire na ndungata yaku, na nîûmûrutîte nthûmbî yake na ûkamikia rûkûngûrî.

Luka 1:69

Nîatûvete mûvonokia ûrî na vinya, ke nî njiarwa ya Daudi ndungata yake.

Luka 1:79

Nîakaatherera arîa mekarîte ndumarî na ûgwatirî wa gîkuû, na atwerekerie njîrarî ya thayû.”