2Maû 21:19 - ÎVUKU RÎA ÛVORO MWARO

¹⁹ Îvinda rîa mîaka îîrî mûthamaki eethîrîtwe arî mûrwaru na athiîcaga agîcûkagîrwa wa mûthenya wa mûthenya. Mûthiiarî wa mwaka wa kaîrî mara ma mûthamaki nîmaaumire nîûndû wa mûrimû na nîwakwire arî na ûrûrû mwîngî mûno. Andû ake matiakia mwaki nîûndû wa kwonania gîtîîo kûrî ke ta ûrîa wakîrîtue methe make.

2Maû 21:19 ပူးပေါင်းရင်းမြစ်များ

2Maû 16:14

Nîwathikirwe mbîrîrarî îrîa ke mwene aacîte îthigarî, îtûûrarî rîa Daudi. Nîmaamwîkîrire îthandûkûrî rîa kûmûthika narîo, rîrîa rîecûrîtue mînyamû mînungi waro ya mîthemba mîîngî yarûthîtwe nî andû arîa maarî na wara wa kûmîthondeka. Nîmaacokire magîakia mwaki mûnene mûno nîûndû wa kwonania gîtîîo kûrî ke.

2Maû 21:15

Nawe nîûkaagwatwa nî mûrimû mûcûku mûno mararî maku, ûrîa ûkaathiî ûgîgûcûkagîra wa mûthenya wa mûthenya nginya mara maku maume.”

2Maû 24:25

Rîrîa athigari a mbaara a Sîria maaumaga Juda nîmaatigire mûthamaki Joashi agurarîtue mûno. Atongoria ake nîmaavangire ûrîa makûmûraga na nîmaamûragire arî gwake ûrîrî. Maamûragire nîûndû nîwaûragithîtie Zekaria mûvîcî wa Jehoiada, mûthînjîri-Ngai. Kwoguo nîwakwire na makîmûthika îtûûrarî rîa Daudi, nwatî matiamûthika mbîrîrarî irîa ciathikagwa athamaki.

Jeremia 34:5

Ûgaakua na thayû, na wa ta ûrîa ûbani wavîvirue vîndî îrîa methe menyu, athamaki arîa maathanaga mbere yenyu makîthikwa, nwa ta guo andû makavîvia ûbani nîûndû waku na macakae makiugaga atîrî, ‘Ûûi, Mûthamaki wetû nî mûkuû!’ Ûguo nîguo nie Ngai-Mûnene nauga.”