2Maû 21:16 - ÎVUKU RÎA ÛVORO MWARO

¹⁶ Ngai-Mûnene nîwatûmire Afilisiti na Arabu arîa maatûûraga vakuvî na Ethiopia marakarue nî Jehoramu.

2Maû 21:16 ပူးပေါင်းရင်းမြစ်များ

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

1Atha 11:11

Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 11:14

Ngai-Mûnene nîwatûmire Solomoni agîe na nthû. Nthû îo yetagwa Hadadi na aarî wa mûvîrîga wa mûthamaki wa Edomu.

1Atha 11:23

Ngai nîwacokire agîtûma Solomoni agîe na nthû. Nthû îo yetagwa Rezoni, mûvîcî wa Eliada. Rezoni aaûrîte kuuma kwî mwathi wake Hadadezeri, ûrîa warî mûthamaki wa Zoba.

2Maû 17:11

Afilisiti amwe nîmaavirîre Jehoshafati iveo, na sîlûva nyîngî. Nao Aarabu nîmaamûvirîre ndûrûme ngiri mûgwanja cia magana mûgwanja (7,700) na nthenge ngiri mûgwanja cia magana mûgwanja (7,700).

2Maû 22:1

Gîkundi Kîam andû arîa maaûkîte na Arabu nîmaatharîkîrîte na makaûraga anake onthe a Jehoramu arîa maarî akûrû kûrî Ahazia. Ahazia tu nîke mwanake ûrîa watigarire, kwoguo andû a Jerusalemu nîmaamûtuire mûthamaki vuva wa îthe, Jehoramu.

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Joeli 3:5

Nîmwocete sîlûva na thaavu ciakwa na mûgakuua indo ciakwa mûkaivira metharî cienyu cia magongoona.

Amosi 1:6

Ngai-Mûnene arauga atîrî, “Andû a Gaza matûûraga mevagia, kwoguo ndigaatiga kûmaverithia, nîmaavirire andû onthe Edomu, makîmendia kuo matûûre marî ngombo.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’