2Maû 21:15 - ÎVUKU RÎA ÛVORO MWARO

¹⁵ Nawe nîûkaagwatwa nî mûrimû mûcûku mûno mararî maku, ûrîa ûkaathiî ûgîgûcûkagîra wa mûthenya wa mûthenya nginya mara maku maume.”

2Maû 21:15 ပူးပေါင်းရင်းမြစ်များ

2Maû 21:14

Kwoguo, Ngai-Mûnene nî agûtûma mûthiro ûgwate andû aku, ciana ciaku, aka aku na indo cionthe ciaku.

Thaburi 109:18

Kûrî ke, kûrumana nîta gwîîkîra nguo, irumi icio iromûconja mwîrî wonthe ta manjî, na itonye mavîndîrî ta maguta!

Ndari 5:27

Ethîrwa mûndûmûka ûcio nîekîte ciîko cia ûtharia, nîakeegua ûrûrû mwîngî mûno. Nîakaaimba îvu na ciîga ciake cia ûciari ithire vinya, na ethîrwe arî na kîrumi gatagatîrî ka andû ao.

Ciîko 1:18

(“Nake Judasi nîwagûrire mûgûnda na mbia irîa oonire na njîra îrîa îtaagîrîrîte, vau nîvo aagwîre agîtûmûka îvu mara makiuma na agîkua.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

Gûco 28:59

Ngai-Mûnene nîakaamûretere vamwe na njiarwa cienyu mûthiro mûnene na mîrimû mîcûku mûno îtavoraga.

Gûco 28:61

Ngai-Mûnene nîakaamûretera mîrimû ya mîthemba yonthe na mîthiro îtandîkîtwe îvukuurî rîîrî rîa watho na îmûthirie viû.

Gûco 28:67

Kîraûko gwakîa mûkaaûragia gûgaatuka rî, na kîvwaî gûgîtuka mûkaûragia gûgaakîa rî, nîûndû wa guoya nyîngî wa maûndû marîa mûkeethagîrwa mûkîona.