2Maû 21:13 - ÎVUKU RÎA ÛVORO MWARO

¹³ Nwatî wîthîrîtwe ûkîrûmîrîra mîthiîre ya athamaki a Isiraeli na nîwatûmire andû a Juda na a Jerusalemu matige kwîvoka Ngai, wata ûrîa Ahabu na athamaki a mûciî wake andû a Isiraeli matiga gûtuîka evokeku kûrî Ngai. We nîwaûragire aa mûrwanyûkwe arîa mwaciaranîrîtue nao na maarî aro gûgûkîra.

2Maû 21:13 ပူးပေါင်းရင်းမြစ်များ

1Atha 16:25

Omuri nîwevirie arî mbere ya Ngai-Mûnene makîria ya andû onthe arîa maarî athamaki mbere yake.

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

2Maû 21:11

Wana nîwarûthîte kûndû gwa kûgoocagîra ngai cia mûvuanano irîmarî cia Judea. Nîwatûmire andû a Juda na a Jerusalemu mevîrie Ngai-Mûnene.

2Maû 21:14

Kwoguo, Ngai-Mûnene nî agûtûma mûthiro ûgwate andû aku, ciana ciaku, aka aku na indo cionthe ciaku.

2Maû 21:4

Rîrîa Jehoramu eekarîre gîtî Kîam ûthamaki na wathani wake ûgîîkindîria, nîwaûragire aa mûrwang'ina onthe wa vamwe na anene amwe a Isiraeli.

2Maû 21:6

Nîwavikirie mwarî wa Ahabu, mûthamaki wa Isiraeli. Kwoguo nîwarûmîrîre mîthiîre ya athamaki a Isiraeli na nîwekire maûndû macûku mbere ya Ngai-Mûnene.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Habakuku 2:12

Kaî ûrî na thîna-î! We ûtumîte îtûûra na ûûragani, na ûkarîtuma îgûrû rîa maûndû macûku.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.