2Maû 20:9 - ÎVUKU RÎA ÛVORO MWARO

⁹ thîna ûngîgaaûka, mbaara, mûthiro, mûrimû kana yûra, nîmagaaûka marûngame mbere yaku gûkû hekarûrî îno ûgoocagîrwa. Nîmagaagûkaîra marî mathînarî nawe nîûkaamegua na ûmavonokie.

2Maû 20:9 ပူးပေါင်းရင်းမြစ်များ

1Atha 8:30

Thikagîrîria mavoya makwa vamwe na mavoya ma andû aku vîndî îrîa magûkûvoya marî hekarûrî îno. Tûthikîrîrie na ûtûovere ûrî îgûrû kûu ûtûûraga.

1Atha 8:33

“Vîndî îrîa andû aku Aisiraeli mangîkaavootwa nî nthû ciao nîûndû wa kwîthîrwa makûvîtîrîtie, na macoke magûcokerere na maûke hekarûrî îno na makûvoye na wînyivia nîguo ûmovere,

1Atha 8:37

“Vûrûri ûyû ûngîkaagîa yûra kana mûrimû mûcûku, kana ndavaîki kana ikundi cia ngige kana mûgariû, kana andû aku matharîkîrwe nî nthû ciao, kana kûgîe na mûthiro kana mûrimû gatagatîrî kao,

2Maû 20:8

Nîmaatûûrire vûrûrirî ûyû na magîgûtumîra hekarû nîguo ûgoocagîrwe kuo na makiuga atî,

2Maû 6:20

Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

2Maû 6:5

‘Kuuma rîrîa naarutire andû akwa vûrûrirî wa Misiri, ndianathuura îtûûra wanarî rîmwe vûrûrirî wonthe wa Isiraeli kûrîa kûngîtumwa hekarû atî nîguo ngoocagîrwe kuo, kana nthuura mûndû wanarî ûmwe wa gûtongoria andû akwa, Aisiraeli.

Ezira 10:1

Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 91:3

Ngai nîagaakûvonokia kuuma mûtegorî, na kuuma kûrî mîrimû mîcûku.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Mathaayo 18:20

Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”