2Maû 20:6 - ÎVUKU RÎA ÛVORO MWARO

⁶ na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

2Maû 20:6 ပူးပေါင်းရင်းမြစ်များ

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

1Atha 8:30

Thikagîrîria mavoya makwa vamwe na mavoya ma andû aku vîndî îrîa magûkûvoya marî hekarûrî îno. Tûthikîrîrie na ûtûovere ûrî îgûrû kûu ûtûûraga.

1Maû 29:18

Ngai-Mûnene, Ngai wa methe metû ma tene, Iburahimu, Isaka na Jakovu, tûma wendi ûyû ûtûûre ngororî cia andû aku tene na tene na ûtûme vîndî cionthe mekarage makwîvokete.

2Maû 20:5

Mûthamaki Jehoshafati nîwarûngamire varîa andû a Juda na a Jerusalemu maagomanîte kîvarorî kîrîa gîcerû Kîam hekarû,

2Maû 25:8

Nwatî ûngîthiî nao ûgîciragia atî ûkaavootana, ndûkaavootana. Ngai nîke wî na ûvoti wa gûtûma ûvootana kana ûvootwe, ke nîagaakûrekereria ûvootwe nî nthû ciaku.”

2Maû 5:14

na athînjîri-Ngai matingîavotire kûthiî na mbere na wîra wao nîûndû hekarû nîyecûrirwe nî ûkengu wa riiri wa Ngai-Mûnene.

2Maû 6:14

na akîvoya atîrî, “Ngai-Mûnene, Ngai wa Isiraeli, îgûrû na nthî gûtirî Ngai wîngî ta we. We nîûvingagia kîrîkanîro gîaku na andû aku na nîwonanagia wendo waku ûtathiraga kûrî ndungata ciaku irîa ikwathîkagîra na ngoro yonthe.

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 47:2

Nîûndû Ngai-Mûnene, ûrîa ûrî Îgûrû Mûno, agîrîrwe nî gûtîîwa; nîke mûthamaki mûnene, ûrîa wathanaga nthî yonthe.

Thaburi 47:8

Ngai athaga mavûrûri monthe, ekaragîra gîtî gîake kîtheru Kîam ûthamaki.

Thaburi 54:1

Mvonokia na ûvoti waku, we Ngai; ndekereria na vinya waku!

Thaburi 62:11

Nîmbîguîte mavinda meengî Ngai akiuga atî ûvoti nî wake,

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Isaia 14:27

Ûndû ûrîa Ngai-Mûnene mwene vinya wonthe avangîte gwîka, nû ûngîmûgiria? Rîrîa araverithania nû ûngîmûgiria?

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Ciîko 11:17

Ngai nîwavere andû a ndûrîrî kîveo wata kîrîa aatûvere vîndî îrîa twetîkirie Mwathani Jesû Kristû. Nie naarî û vi wa kûgiria Ngai eke ûrîa eendaga gwîka!”

Aroma 9:19

Ûmwe gatagatîrî kenyu nî agaacoka ambûrie atîrî, “Ethîrwa ûguo nîguo Ngai ekaga angîvota atîa gûtua atî mûndû nî wîvîtie? Nû ûngîregana na wendi wa Ngai?”

Gûco 4:39

Kwoguo menyani kuuma ûmûnthî na mwige ûndû ûyû ngororî cienyu atî, Ngai-Mûnene nî Ngai wa îgûrû na nthî, gûtirî ngai îngî.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.