2Maû 20:1 - ÎVUKU RÎA ÛVORO MWARO

¹ Vuvarî athigari a Moabu na a Aamoni na andû amwe a Ameuni arîa maagwatanagîra nao, nîmaatharîkîre Juda.

2Maû 20:1 ပူးပေါင်းရင်းမြစ်များ

1Maû 4:41

Andû acio mandîkîtwe marîîtwa mao, nîmaaûkire vûrûrirî ûyû vîndî îrîa Hezekia aarî mûthamaki wa Juda. Nao nîmaatharîkîre njiarwa cia Hamu na magîcûkangia magema mao na makîrûa na Meuni arîa maatûûraga kuo. Nîmaamavinyûririe na magîtûûra kuo nginya ûmûnthî nîûndû kwarî kûndû kwaro gwa kûrîthua.

2Maû 14:8

Asa aarî na athigari a mbaara ngiri magana mathatû (300,000) kuuma mûvîrîgarî wa Juda maarî na ngo nene na matumû, na engî ngiri magana maîrî ma mîrongo înana (280,000) kuuma mûvîrîgarî wa Benjamini na maarî na ngo na moota. Onthe maarî athigari maarî na vinya na njamba.

2Maû 19:11

Amaria, Mûthînjîri-Ngai mûnene nîke ûkethagîrwa arûngamîrîrîte maûndû monthe megiî Ngai-Mûnene. Nake Zebadia mûvîcî wa Ishumaeli, mûnene wa Juda nîke ûkethagîrwa arî na îtua rîa mûthiia maûndûrî monthe ma vûrûri. Nao Alawi nîo makoonaga atî maûndû monthe nîmarathiî ûrîa kwagîrîrîte. Îîyûmîrîrieni na mûrûmîrîre maûndû mama, nake Ngai-Mûnene aroîthagîrwa na andû arîa agîrîru!”

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 19:5

Nîwathuurire atirîrîri vûrûri matûûrarî monthe marîa maarî mairigîre vûrûrirî wa Juda.

2Maû 20:10

“Taroria, andû a Aamoni, a Moabu na a Edomu nîmatûtharîkîrîte. Rîrîa andû a Isiraeli maaumaga Misiri ndwametîkîria matonye mavûrûri mau. Kwoguo matiamacûkangia.

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

2Maû 32:1

Vuva wa maûndû mau monthe marîa Hezekia, mûthamaki wa Juda eekîte na wîvokeku, Senakeribu, mûthamaki wa Asîria nîwatharîkîre Juda. Nîwacîgîrîrie matûûra marîa maarî mairigîre agîîciragia atî nî akûmanyita matuîke make.

Isaia 16:6

Andû a Juda maugaga atîrî, “Nîtwîguîte ûrîa andû a Moabu marî ecaari, nîtwîcî ûrîa maarî etîi mûno. Nîtwîcî ûrîa marî rûng'athio, mwîkumio na metûûgagîria; nwatî mwîtîîo ûcio wao nî wa mana.”

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Jeremia 10:24

We Ngai-Mûnene, nûnga na njîra îrîa îmbagîrîrîte, ndûkamverithie ûrî na marakara nîûndû navota kûthira.

Jeremia 49:1

Ûvororî wîgiî andû a Amori, Ngai-Mûnene araûria atîrî, “Nîkwa Isiraeli gûtarî arûme? Gûtirî mûndû ûngîgaa vûrûri ûcio? Nîndûî gîtûmîte andû arîa magocaga ngai îrîa îtagwa Milikomu, megwatîre vûrûri wa Gadi makînatûûra kuo?

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.