2Maû 2:7 - ÎVUKU RÎA ÛVORO MWARO

⁷ Kwoguo ndûmîra mûndû wî na wara wa kûrûtha indo cia thaavu, sîlûva, gîcango, cuuma na ûngîtuma nguo na ndigi cia rangi wa njambarawe, vururu, na rangi ndune. Mûndû ûcio nî akaarutithanagia wîra na andû arîa marî na wara a Juda na Jerusalemu arîa vava Daudi aathuurire.

2Maû 2:7 ပူးပေါင်းရင်းမြစ်များ

1Atha 10:11

Wana gîkundi Kîam meri cia Hiramu irîa ciakuuîte thaavu kuuma Ofiri, wanacio nîciavirîre mûthamaki Solomoni mîtî ya mîthandari mîîngî na mathiga ma goro.

1Atha 7:14

Ng'ina wa Hiramu aarî mûndûmûka wa ndigwa kuuma mûvîrîgarî wa Nafutali. Nake îthe aarî wa kuuma Turo, na aarutaga wîra wa indo cia gîcango. Hiramu aarî wara mwîngî mûno na aarî na ûmenyo na wara wa kûrûtha mîthemba wa yonthe ya indo cia gîcango. Nîwathiîre kûrî mûthamaki Solomoni na akîruta wîra wake wonthe.

Isaia 28:26

Mûndû ûcio nîamenyaga ûrîa agwîka, nîûndû Ngai wake nîamûthomithagia.

Isaia 28:29

Ûûgî ûyû wonthe umîte kûrî Ngai-Mûnene mwene vinya wonthe, mataaro make nî ma kûgegania, na ûûgî wake nî mwîngî mûno.

Isaia 60:10

Ageni nîo magaatuma rîngî nthingo cienyu, nao athamaki ao nîmakaamûtungatîra. Wana ethîrwa nînamûverithirie nîûndû wa kûrakara, rîu nîngûmwîguîra ntha na nîmûtuge.

Ezek 27:5

Andû arîa maagûtumire maatûmîre mbaû kuuma kîrîmarî Kîam Seniri; na magîatûra mbaû cia mîtarakwe kuuma Lebanoni; cia kûrûtha mûtî wa gûtwarithia meri.