2Maû 2:12 - ÎVUKU RÎA ÛVORO MWARO

¹² Ngai-Mûnene, Ngai wa Isiraeli ûrîa waûmbire îgûrû na nthî arokumua! Nîwavere mûthamaki Daudi mwanake mûûgî wî na ûmenyo mwîngî na wara, ûrîa ûgaatuma hekarû ya Ngai-Mûnene na etumîre nyomba ya ûthamaki.

2Maû 2:12 ပူးပေါင်းရင်းမြစ်များ

1Atha 5:7

Rîrîa Hiramu eegwire ndûmîrîri ya Solomoni nîwakenire mûno na akiuga atîrî, “Ngai-Mûnene arogoocwa ûmûnthî nîûndû wa kûva Daudi mûvîcî ûrî na ûûgî nîguo atuîke mûthamaki wa vûrûri ûcio mûnene ûguo vuva wake!”

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

2Maû 2:1

Mûthamaki Solomoni nîwatwire nîagûtuma hekarû varîa Ngai-Mûnene akaagoocagîrwa wa vamwe na gûtuma nyomba yake ya ûthamaki.

2Maû 2:13

Nînagûtûmîra mûndû wî na wara na ûmenyo wîtagwa Huramabi,

Thaburi 102:25

Tene mûno nîwaûmbire nthî, na îgûrû nî wîra wa njara ciaku.

Thaburi 102:5

Ng'înjîte ngatigwa rûûo na mavîndî, nîûndû wa gûcaa mbugîrîrîtie.

Thaburi 124:8

Ûtethio wetû umaga kûrî Ngai-Mûnene, ûrîa waûmbire îgûrû na nthî.

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Luka 1:68

“Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 4:24

Rîrîa etîkia meegwire ûvoro ûcio, nîmaavoire Ngai marî na ngoro îmwe makiugaga atîrî, “Mwathani na Mûmbi wa îgûrû na nthî, îria na indo cionthe irîa irî kuo!

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

Kûguû 10:6

na akîîvîta na rîîtwa rîa Ngai ûrîa ûtûûraga tene na tene, na waûmbire îgûrû, nthî, îria na indo cionthe irîa irî kuo. Nake nîwaugire atîrî, “Gûtirî na kavinda kengî ka gweterera!

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”