2Maû 19:6 - ÎVUKU RÎA ÛVORO MWARO

⁶ Nîwamerire atîrî, “Menyagîrîrani rîrîa mûgûtwithania maciira, nîûndû mûtigaatucaga na vinya wenyu, nwatî mûkaamatucaga na vinya wa Ngai-Mûnene nîûndû nîke ûmûtûmîte na akethagîrwa namue vîndî îrîa mûgûtua ciira.

2Maû 19:6 ပူးပေါင်းရင်းမြစ်များ

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 21:8

Jesû nîwamerire atîrî, “Îîmenyagîrîreni mûtikavîtithue. Nîûndû andû eengî nîmagaaûka makîvûthagîra rîîtwa rîakwa na makiugaga atîrî, ‘Nie nînie Kristû!’ na ‘Îvinda nîrîkinyu!’ Nwatî mue mûtikamarûmîrîre.

Ciîko 22:26

Rîrîa mûnene ûcio wa athigari îgana eegwire ûguo, nîwathiîre kûrî mûnene wa mbûtû ya athigari na akîmwîra atîrî, “We nîwîka atîa? Mûndû ûcio nî Mûûroma!”

Ciîko 5:35

Nîwacokire akîîra akîama acio atîrî, “Mue andû aya etû a Isiraeli, menyererani ûrîa mûgwîka na andû aya.

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Josh 22:5

Menyerera mwathîkagîre maathani na mawatho marîa Musa aamwathire. Aamwathire mwendage Ngai-Mûnene, Ngai wenyu, mûrûmagîrîre njîra ciake cionthe, mwathîkagîre maathani make, mwîthagîrwe mûrî evokeku kûrî ke na ûmûtungatagîre na ngoro cienyu cionthe na vinya wenyu wonthe.”