2Maû 19:4 - ÎVUKU RÎA ÛVORO MWARO

⁴ Mûthamaki Jehoshafati aatûûraga Jerusalemu, nwatî nîwathiîcaga gûcerera andû mavinda meengî. Nîwathiîcaga Beerisheba mwena wa îveti na nginya rûtere rwa vûrûri ûrîa ûrî irîma wa Efiraimu mwena wa rûgûrû. Nîwetaga andû nîguo macokerere Ngai-Mûnene, Ngai wa methe mao.

2Maû 19:4 ပူးပေါင်းရင်းမြစ်များ

Kîam 21:14

Mûthenya ûcio warûmîrîrîte kîraûko tene mûno, Iburahimu nîwavere Hagari irio, na mbooro îcûrîte manjî. Nîwacokire agîkuithia Hagari mwana na akîmwîngata. Hagari nîwathiîre akîûrûraga werûrî wa Beerisheba.

Kîam 21:33

Iburahimu nîwavandire mûtî ûrîa wîtagwa mûkarakaba vau Beerisheba na akîgooca Ngai-Mûnene, Ngai ûrîa ûtûûraga mwoyo arî vo.

Malaki 4:6

Nake mûrathi Elija nîagaacokanîrîria aciari na ciana ciao; na ethîrwa tî guo, nîngaûka na njûkangie vûrûri wenyu.”

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Luka 1:17

Nîakaathiî mbere ya Mwathani arî na Roho na vinya wata mûrathi Elija. Nîagaatûma methe mendane na ciana ciao; na acoke agarûre andû arîa aremi magîe na ûûgî wata wa andû arîa athingu na avarîrie andû nîguo meterere Mwathani.”

Josh 17:15

Joshua nîwamacokerie atîrî, “Ethîrwa mûrî eengî na vûrûri wa Efiraimu ûrîa ûrî irîma nî mûnini mûno ndûngîmwîgana, thiîni vûrûrirî wa Aperizi na Refaimu kûu mûtitûrî mûkethererie kîthaka kuo ûtuîke wenyu.”

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.