2Maû 19:11 - ÎVUKU RÎA ÛVORO MWARO

¹¹ Amaria, Mûthînjîri-Ngai mûnene nîke ûkethagîrwa arûngamîrîrîte maûndû monthe megiî Ngai-Mûnene. Nake Zebadia mûvîcî wa Ishumaeli, mûnene wa Juda nîke ûkethagîrwa arî na îtua rîa mûthiia maûndûrî monthe ma vûrûri. Nao Alawi nîo makoonaga atî maûndû monthe nîmarathiî ûrîa kwagîrîrîte. Îîyûmîrîrieni na mûrûmîrîre maûndû mama, nake Ngai-Mûnene aroîthagîrwa na andû arîa agîrîru!”

2Maû 19:11 ပူးပေါင်းရင်းမြစ်များ

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

1Maû 22:16

na thaavu, sîlûva, gîcango na cuuma. Ûkîra rîu wambîrîrie wîra, na Ngai-Mûnene ethagîrwe nawe!”

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

1Maû 26:30

Kuuma njiarwarî cia Heburoni, Hashabia na andû a mbarî yao ngiri îmwe na magana mûgwanja (1,700), andû maarî na ûvoti, nîmaatuirwe amenyereri a wîra wa Ngai-Mûnene na wa mûthamaki mwena wa îthûîro wa rûnjî rwa Jorodani.

1Maû 26:32

Jeria aarî na andû ao ngiri igîrî na magana mûgwanja (2,700) maarî na ûvoti na maarî atongoria a mbarî cia methe mao. Mûthamaki Daudi nîwamatuire anene a andû a mûvîrîga wa Reubeni, Gadi, na nuthu ya mûvîrîga wa Manase îrîa îrî mwena wa îrathîro rîa rûnjî rwa Jorodani. Aamatwire anene maûndûrî megiî ûvoro wa Ngai na wa maûndû ma vûrûri.

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 6:11

Azaria aarî îthe wa Amaria, Amaria aarî îthe wa Ahitubu,

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 15:7

Nwatî mue, îîyûmîrîrieni na mûtigakue ngoro, nîûndû nîmûkaanyita kîveo nîûndû wa wîra wenyu.”

2Maû 19:6

Nîwamerire atîrî, “Menyagîrîrani rîrîa mûgûtwithania maciira, nîûndû mûtigaatucaga na vinya wenyu, nwatî mûkaamatucaga na vinya wa Ngai-Mûnene nîûndû nîke ûmûtûmîte na akethagîrwa namue vîndî îrîa mûgûtua ciira.

2Maû 19:8

Îtûûrarî rîa Jerusalemu Jehoshafati nîwathuurire Alawi, athînjîri-Ngai na atongoria a mbarî cia Isiraeli matuîke a gûtuithanagia maciira vandûrî va Ngai-Mûnene rîrîa andû mavîtanîtie. Andû acio maatûûraga Jerusalemu.

Ezira 7:5

Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Thaburi 112:5

Kûrathimwa nî mûndû ûrîa akombithanagia indo ciake na ûtaana, ûrîa wîkaga maûndû make na njîra ya kîvooto.

Thaburi 37:23

Ngai-Mûnene nîke wonagia andû njîra îrîa makûrûmîrîra, na nîagitagîra arîa mamûkenagia.

Nthi 2:20

Kwoguo ûkaarûmagîrîra njîra cia andû arîa aro, na ûthiîcagîrîre njîrarî cia andû arîa athingu.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Luka 23:50

Kwarî mûndû wetagwa Josefu waumîte Arimathea, îtûûra rîa Judea. Ke aarî mûndû mwaro na mûthingu.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”