2Maû 18:8 - ÎVUKU RÎA ÛVORO MWARO

⁸ Mûthamaki wa Isiraeli nîwetire mûnene ûmwe na akîmwîra atîrî, “Thiî ûgete Mikaia mûvîcî wa Imula na ûmûrete narua.”

2Maû 18:8 ပူးပေါင်းရင်းမြစ်များ

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

1Atha 22:9

Ahabu nîwetire ndungata îmwe yake na akîmîatha îthiî îkagîîre Mikaia mûvîcî wa Imula na îvenya.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

2Maû 18:7

Nake Ahabu nîwamûcokerie atîrî, “Kûrî na wîngî ûmwe wîtagwa Mikaia mûvîcî wa Imula. Nwatî nîrî mûmûthûru nîûndû ndandathagîra maûndû maro tiga wa marîa macûku.” Nake Jehoshafati nîwamwîrire atîrî, “Mûthamaki ndwagîrîrwe nî kuga ûguo.”

2Maû 18:9

Ahabu, mûthamaki wa Isiraeli na Jehoshafati, mûthamaki wa Juda nîmeekîrîte nguo ciao cia ûthamaki na magekarîra itî cia ûthamaki îtîrirî varîa vaavûragîrwa ngano vakuvî na kîvingo gîa îtûûra rîa Samaria. Nao arathi onthe nîmaarathaga movoro marî mbere yao.

Isaia 39:7

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

Danieli 1:3

Mûthamaki Nebukadinezarû nîwathire Ashipenazi ûrîa warî mûnene wa ndungata ciake, athuure anake a Isiraeli, kuuma mîciî ya anene na ya andû arîa atîîkanu.

1Sam 8:15

Ke nîagecûkia gîcunjî gîa îkûmi gîa mbeû cienyu wana cia mîgûnda yenyu ya mîthavibu na aivecane kûrî anene a athigari ake na kûrî ndungata ciake.