2Maû 18:7 - ÎVUKU RÎA ÛVORO MWARO

⁷ Nake Ahabu nîwamûcokerie atîrî, “Kûrî na wîngî ûmwe wîtagwa Mikaia mûvîcî wa Imula. Nwatî nîrî mûmûthûru nîûndû ndandathagîra maûndû maro tiga wa marîa macûku.” Nake Jehoshafati nîwamwîrire atîrî, “Mûthamaki ndwagîrîrwe nî kuga ûguo.”

2Maû 18:7 ပူးပေါင်းရင်းမြစ်များ

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

2Maû 18:13

Nwatî Mikaia nîwaugire atîrî, “Wata ûrîa Ngai-Mûnene atûûraga mwoyo, ûrîa Ngai akambîra mbuge nîguo ngauga.”

2Maû 18:6

Nwatî mûthamaki Jehoshafati nîwaûririe atîrî, “Gûtirî na mûrathi wîngî wa Ngai-Mûnene tûngîûria ûtaaro kuuma kûrî ke?”

2Maû 18:8

Mûthamaki wa Isiraeli nîwetire mûnene ûmwe na akîmwîra atîrî, “Thiî ûgete Mikaia mûvîcî wa Imula na ûmûrete narua.”

Thaburi 34:21

Andû arîa aganu makaathirua nî waganu wao; andû arîa mamenete arîa athingu nî makaaverithua.

Thaburi 55:3

Nînîregua guoya nîûndû wa kûmakua nî nthû ciakwa, nîûndû wa kûvinyîrîrua nî andû arîa aganu. Andû arîa aganu nîmanthînagia; nîarakaru nînie na nîmamenete.

Thaburi 69:14

Mvonokia ndikaavorokere ndakarî; mvonokia kuuma kûrî nthû ciakwa, na kuuma kûrî manjî marikîru.

Nthi 25:12

Mûndû mûûgî akaanîtie mûndû ûkûthikîrîria, ekariî ta gîcûvî Kîam thaavu kana mathaga ma thaavu ntheri.

Nthi 29:10

Aûragani mathûrîte andû arîa evokeku, nwatî andû arîa athingu magitagîra ûtûûro wao.

Nthi 9:8

Kwoguo ndûkarute mûndû mwîtîi mavîtia, nîûndû nîagaakûmena. Nwatî ruta mûndû mûûgî mavîtia, nake nîagaakwenda.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Mika 2:7

Maûndû mau nîmagîrîrwe nî kûgwetwa kûrî andû a Isiraeli? Nîkwa Ngai-Mûnene aremetwe nî gûkirîrîria? Nwa eke maûndû ta mama? Kinthî ndaragîrîria andû arîa mekaga maûndû marîa magîrîre?

Maariko 6:27

Na wa rîmwe mûthamaki nîwarutire watho akiuga mûrangîri ûmwe gatagatîrî ka arîa maamwîkaragia, athiî agîre kîongo Kîam Johana. Nake mûrangîri ûcio nîwathiîre njeera, akîrenga kîongo Kîam Johana na

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Johana 15:24

Ndangîekire maûndû marîa mataneekwa nî mûndû wîngî gatagatîrî kao, matingîatuirwe evia. Nwatî rîu nîmonete maûndû marîa nekire na nîmamenete na makamena Vava.

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Agal 4:16

Nîkwa rîu nduîkîte nthû yenyu nîûndû wa kûmwîra ûma?