2Maû 18:31 - ÎVUKU RÎA ÛVORO MWARO

³¹ Rîrîa anene acio a ikaari cia mbarathi moonire Jehoshafati, nîmeciririe atî nîke mûthamaki wa Isiraeli, kwoguo nîmaagarûrûkire nîguo mamûtharîkîre. Nwatî Jehoshafati nîwaugîrîrie na Ngai-Mûnene nîwamûtethirie. Ngai nîwatûmire andû arîa maamûtharîkagîra matige kûmûtharîkîra.

2Maû 18:31 ပူးပေါင်းရင်းမြစ်များ

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

2Maû 13:14

Rîrîa athigari a Juda maaroririe na makîona atî nîmaratharîkîrwa na mwena wa mbere na wa vuva, nîmaarîrîre Ngai-Mûnene amatethie, nao athînjîri-Ngai makîvuva tûrumbeta.

2Maû 13:15

Athigari a Juda nîmaacokire makiugîrîria na mûgambo wa mbaara. Nao nîmaatharîkîre na Ngai agîtûma Jeroboamu na athigari a Isiraeli mavootwe nî Abija na athigari a Juda.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 18:30

Mûthamaki wa Sîria nîwathîte anene a ikaari cia mbarathi na akîmeera matikatharîkîre mûndû wana ûrîkû, arî mûnene kana arî mûnini tiga mûthamaki wa Isiraeli.

2Maû 18:32

Anene a ikaari cia mbarathi nîmoonire atî tîke mûthamaki wa Isiraeli, kwoguo nîmaatigire kûmûrûmîrîria.

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Ezira 7:27

Nake Ezira nîwacokire akiuga atîrî, “Ngai-Mûnene, Ngai wa methe metû ma tene arokumua! Nîûndû nîatûmîte mûthamaki agîe na wendi wa kûva gîtîîo hekarû ya Ngai-Mûnene îrîa îrî Jerusalemu.

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Thaburi 118:13

Nînatharîkîrwe mûno na naarî vakuvî kûvootwa, nwatî Ngai-Mûnene nîwandethirie.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 56:10

Nîîvokete Ngai-Mûnene na nîngumagia ciîranîro ciake.

Thaburi 94:17

Kethîrwa Ngai-Mûnene ndaandethia, nînîngîathiîre kwa arîa akuû na îvenya.

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

Nthi 16:7

Ngai-Mûnene angîkenua nî mîthiîre ya mûndû, nîatûmaga wana nthû cia mûndû ûcio ituîke arata.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.