2Maû 17:6 - ÎVUKU RÎA ÛVORO MWARO

⁶ Jehoshafati nîwendeete mûno na ngoro yake gûtungatîra Ngai-Mûnene. Nîwacûkangirie kûndû kûrîa kwagoocagîrwa ngai cia mîvuanano na mûvuanano wa Ashera, ngai ya mûndûmûka vûrûri wa Juda.

2Maû 17:6 ပူးပေါင်းရင်းမြစ်များ

1Atha 22:43

Jehoshafati nîwekire maûndû maro mbere ya Ngai-Mûnene wata ûrîa îthe Asa eekire; nwatî ndaacûkangia kûndû kûrîa kwagoocagîrwa, nao andû nwa maarutagîra magongoona kuo na makavîvagîria ûbani kuo.

2Maû 14:2

Mûthamaki Asa nîwakenirie Ngai-Mûnene, Ngai wake na njîra ya gwîka maûndû marîa maro na magîrîru.

2Maû 14:3

Nîwarutire metha cia kîgongoona irîa ciarî ng'eni kûu vûrûrirî na kûndû kûrîa gûtûgîru kwagoocagîrwa ngai cia mîvuanano. Nîwaunangire itugî cia mathiga na akiunanga mîvuanano ya Ashera, ngai ya mûndûmûka.

2Maû 15:17

Wana ethîrwa Asa ndaacûkangia kûndû kuonthe kûrîa kwagoocagîrwa ngai cia mîvuanano vûrûrirî wa Isiraeli, ke aarî mwîvokeku kûrî Ngai-Mûnene ûtûûrorî wake wonthe.

2Maû 19:3

Kûnarî ûguo, nîwonetwe ûrî na maûndû maro. Nîwathiririe mîvuanano ya Ashera, ngai ya mûndûmûka gûkû vûrûrirî îrîa andû maagoocaga na nîûgeretie mûno gûcaria wendi wa Ngai na ngoro yonthe.”

2Maû 20:33

Nwatî kûnarî ûguo, kûndû kûrîa kwavoyagîrwa ngai cia mîvuanano gûtiomomorwa na andû matiarî acokereru kûgooca Ngai wa methe mao na ngoro ciao.

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

Ayubu 22:26

ûgakenaga nî Ngai mwene vinya wonthe, na wigage mwîvoko waku varî ke.

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 138:5

Nîmakaagaana maûndû marîa we Ngai-Mûnene wîkîte, nîûndû riiri waku nî mûnene.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

Gûco 28:47

Ngai-Mûnene Ngai wenyu nîwamûrathimire na indo nyîngî, nwatî mûtiamûtungatîra mûkenete na mûrî na ngoro ntheru.