2Maû 16:14 - ÎVUKU RÎA ÛVORO MWARO

¹⁴ Nîwathikirwe mbîrîrarî îrîa ke mwene aacîte îthigarî, îtûûrarî rîa Daudi. Nîmaamwîkîrire îthandûkûrî rîa kûmûthika narîo, rîrîa rîecûrîtue mînyamû mînungi waro ya mîthemba mîîngî yarûthîtwe nî andû arîa maarî na wara wa kûmîthondeka. Nîmaacokire magîakia mwaki mûnene mûno nîûndû wa kwonania gîtîîo kûrî ke.

2Maû 16:14 ပူးပေါင်းရင်းမြစ်များ

Kîam 50:2

Nîwacokire akîatha ndungata ciake ciûmithie mwîrî wa îthe. Nao nîmeekire guo.

Kîam 50:5

‘Rîrîa vava aarî vakuvî gûkua, nîwambîrire nîmwîrîre atî nîngaamûthika mbîrîrarî îrîa aathondekete vûrûrirî wa Kanaani. Kwoguo nakûthaitha ûmbîtîkîrie nthiî ngathike vava ngînacoka.’ ”

2Sam 2:32

Nake Joabu na andû ake nîmoocire mwîrî wa Asaheli na makîûthika mbîrîrarî ya andû a mûciî îrîa yarî Bethilehemu. Nîmaacokire makîrara makîthiî ûtukû mûgima, na magîkinya Heburoni kûthiîte gûkîa.

2Maû 16:13

Vuvarî Asa nîwakwire vuva wa kwathana îvinda rîa mîaka mîrongo îna na ûmwe (41).

2Maû 21:19

Îvinda rîa mîaka îîrî mûthamaki eethîrîtwe arî mûrwaru na athiîcaga agîcûkagîrwa wa mûthenya wa mûthenya. Mûthiiarî wa mwaka wa kaîrî mara ma mûthamaki nîmaaumire nîûndû wa mûrimû na nîwakwire arî na ûrûrû mwîngî mûno. Andû ake matiakia mwaki nîûndû wa kwonania gîtîîo kûrî ke ta ûrîa wakîrîtue methe make.

2Maû 32:33

Mûthamaki Hezekia nîwakwire na akîthikwa mwena wa îgûrû wa mbîrîra irîa ciathikagwa athamaki. Andû onthe a Juda na a Jerusalemu nîmoonanirie gîtîîo kînene mûno kûrî Hezekia arîkia gûkua. Nake mûvîcî Manase nîwatuîkire mûthamaki vuva wake.

2Maû 35:24

Kwoguo ndungata ciake nîciamûrutire gîkaarirî gîake Kîam mbarathi na makîmwîkîra gîkaarirî kîngî gîake na makîmûvira Jerusalemu. Nîwakwire na akîthikwa mbîrîrarî irîa ciathikagwa athamaki. Andû onthe a Juda na a Jerusalemu nîmaacakaîre gûkua kwa Josia.

Mûvunjia 10:1

Ngi irî nguû nîitûmaga maguta manungi waro manunga naaî, ûrimû mûnini nîûcûkagia ûûgî na gîtîîo.

Isaia 22:16

‘Ûreka atîa gûkû, na mûrî na û? Nîwagîrîrwe wîyacîre mbîrîra yaku gûkû vandû vatûgîru rwararî rwa îthiga?

Jeremia 34:5

Ûgaakua na thayû, na wa ta ûrîa ûbani wavîvirue vîndî îrîa methe menyu, athamaki arîa maathanaga mbere yenyu makîthikwa, nwa ta guo andû makavîvia ûbani nîûndû waku na macakae makiugaga atîrî, ‘Ûûi, Mûthamaki wetû nî mûkuû!’ Ûguo nîguo nie Ngai-Mûnene nauga.”

Maariko 16:1

Thavatû yavîtûka, Mariamu Mûmagidali, Salome na Mariamu ng'ina wa Jakuvu nîmaagûrire indo cianungaga waro nîguo mathiî makavake mwîrî wa Jesû.

1Sam 31:12

andû onthe arîa aûmîrîru mûno nîmaathiîre ûtukû mûgima nginya magîkinya Bethi Shani. Nîmaacurûkirie mwîrî wa Saûlo na mîîrî ya anake ake kuuma rûthingorî, makîmîvira Jabeshi na makîmîvîvîria kuo.