2Maû 15:7 - ÎVUKU RÎA ÛVORO MWARO

⁷ Nwatî mue, îîyûmîrîrieni na mûtigakue ngoro, nîûndû nîmûkaanyita kîveo nîûndû wa wîra wenyu.”

2Maû 15:7 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

2Maû 19:11

Amaria, Mûthînjîri-Ngai mûnene nîke ûkethagîrwa arûngamîrîrîte maûndû monthe megiî Ngai-Mûnene. Nake Zebadia mûvîcî wa Ishumaeli, mûnene wa Juda nîke ûkethagîrwa arî na îtua rîa mûthiia maûndûrî monthe ma vûrûri. Nao Alawi nîo makoonaga atî maûndû monthe nîmarathiî ûrîa kwagîrîrîte. Îîyûmîrîrieni na mûrûmîrîre maûndû mama, nake Ngai-Mûnene aroîthagîrwa na andû arîa agîrîru!”

2Maû 32:7

“Gîani na vinya na mûmîrîrie. Mûtigetigîre kana mûmake nîûndû wa mûthamaki wa Asîria, kana nîûndû wa ûrîa arî na athigari a mbaara eengî, nîûndû ûrîa ûrî natue arî na vinya nyîngî gûkîra ûrîa ûrî na Senakeribu.

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Zakaria 8:9

Ngai-Mûnene augîte atîrî, “Mue arîa rîu mûregua ndûmîrîri îrîa yarirue nî arathi arîa maarî vo vîndî îrîa mûcingi wenjagwa wa gûtuma rîngî hekarû ya Ngai-Mûnene mwene vinya wonthe, îîyûmîrîrieni nîguo hekarû îtumwe.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Mathaayo 5:46

Ethîrwa mwendaga tu wa andû arîa mamwendaga, Ngai angîmûva kîveo nîkî? Wana etia mbeca cia îgooti nîmekaga wa guo!

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Mathaayo 6:18

nîguo andû arîa engî matikamenye atî nîkwa mûrenyerekia. Îthe wenyu ûrîa ûtonekaga nîke tu ûkaamenya. Nake Îthe wenyu ûrîa wonaga maûndû marîa mekagîrwa nthithorî nîakaamûva mûcara wenyu.

Mathaayo 6:4

Kwoguo kûvecana kwenyu nî kwîthagîrwe kûrî nthithorî. Nake Îthe wenyu ûrîa wonaga maûndû marîa mekagîrwa nthithorî nî akaamûva kîveo.

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

1Akor 3:14

Ethîrwa kîrîa gîatumirwe îgûrû rîa mûcingi ûcio gîtikaavîa, mûtumi wakîo nîakaamûkîra kîveo.

1Akor 3:8

Vatirî ngûrani gatagatî ka mûndû ûrîa ûvandaga na ûrîa wîtagîrîria manjî, na Ngai akaarîva mûndû mûcara kûringana na wîra ûrîa ke mwene arutîte.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Akol 3:24

Menyagani atî Mwathani nîke ûkaamûva îgai rîrîa aigîrîte andû ake kîrî kîveo, nîûndû Kristû nîke Mwathani wa ma ûrîa mue mûtungatagîra.

Ahib 10:35

Kwoguo mûtikaûrwe nî vinya nîûndû mwathiî na mbere na kûmîrîria, nîmûkaagîa na kîveo kînene.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 14:14

Kwoguo îtûûra rîa Heburoni rîtûûraga rîrî rîa Kalebu mûvîcî wa Jefune na njiarwa ciake nîûndû nîwathîkîre Ngai-Mûnene, Ngai wa Isiraeli.

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”