2Maû 15:6 - ÎVUKU RÎA ÛVORO MWARO

⁶ Kwarî na mbûkanîrîro nyîngî. Vûrûri nîwatharîkagîra vûrûri ûrîa wîngî, narîo îtûûra rîkatharîkîra îtûûra rîrîa rîngî, nîûndû Ngai nîwamareterete mathîna ma mîthemba yonthe.

2Maû 15:6 ပူးပေါင်းရင်းမြစ်များ

2Maû 12:15

Maûndû ma Rehoboamu marîa eekire kuuma Kîammbîrîria nginya mûthiia nîmandîke îvukuurî rîa maûndû ma tene ma mûrathi Shemaia na ma mwoni Ido. Rehoboamu na Jeroboamu maatûûraga marûaga o ene.

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Thaburi 106:41

Nîwamarekererie kûrî andû a ndûrîrî, na magîcoka kwathwa nî nthû ciao.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Jeremia 25:32

Ngai-Mûnene mwene vinya wonthe arauga atîrî, “Taroria mûthiro ûranyita vûrûri ûmwe kûthiî ûrîa wîngî, na rûkûngi rûnene nîrûravurutana, rumîte mîthiia ya nthî!”

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Maariko 13:8

Mavûrûri nîmakaarûa, namo mothamaki mathithûkanîre. Nîgûkaagîa na ithingithia kûndû kwîngî wana kûgîe na yûra. Maûndû mama nî ta Kîammbîrîria Kîam ûrûrû ûrîa mûndûmûka egucaga akîgîa na mwana.

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.