2Maû 15:2 - ÎVUKU RÎA ÛVORO MWARO

² Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 15:2 ပူးပေါင်းရင်းမြစ်များ

1Atha 11:25

Rezoni nîwatuîkire nthû ya Isiraeli ûtûûrorî wonthe wa Solomoni, na nîwekaga mawaganu meengî gûkîra marîa meekagwa nî Hadadi. Nîwamenire Isiraeli mûno na nîwatuîkire mûthamaki wa vûrûri wa Sîria.

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

2Atha 21:14

Nîngaatiganîria andû akwa arîa magaatigara na nîmanenganîre kûrî nthû ciao, na nîikaamavoota na imatue mîgwate kûrî nthû ciao cionthe.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 11:12

Nîwaigire ngo na matumû matûûrarî monthe na agîtûma matûûra mau magîe na vinya mûno. Kwoguo Juda na Benjamini ciarî rungu rwa wathani wake.

2Maû 12:5

Mûrathi Shemaia nîwathiîre kûrî mûthamaki Rehoboamu na atongoria a Juda arîa maagomanîte Jerusalemu nîguo maûre kuuma kûrî Shishaki na akîmera atîrî, “Ngai-Mûnene augîte atî ‘Nîmûndiganîrîtie, kwoguo nanie nînîmûtiganîrîtie njararî cia Shishaki.’ ”

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 13:4

Abija nîwarûngamire kîrîmarî Kîam Zemaraimu îgûrû vûrûrirî ûrîa ûrî irîma wa Efiraimu na akiuga atîrî, “Mue, Jeroboamu na andû onthe a Isiraeli tanthikîrîriani!

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

2Maû 15:4

Nwatî vîndî ya thîna, nîmaagarûrûkagîra Ngai-Mûnene, Ngai wa Isiraeli. Nîmaamûcaragia na makamwona.

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

2Maû 24:20

Roho wa Ngai nîwanyûrûrûkire kûrî Zakaria mûvîcî wa Jehoiada mûthînjîri-Ngai. Nîwarûngamire vandû andû onthe maavotaga kûmwona na akîmeera atîrî, “Ngai araûria, nîndûî gîtûmaga mune maathani ma Ngai-Mûnene! Mûtingîthatûkwa nîûndû nîmûmûregete; kwoguo wanake nîamûregete.”

2Maû 26:5

Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Ezira 8:22

Nînegwire nthoni cia kwîra mûthamaki atûnengere athigari a mbarathi a gûtûgitîra kuuma kûrî nthû tûrî rûgendorî rwetû. Neguire nthoni nîûndû nînamwîrîte atî Ngai nîarathimaga mûndû wa wonthe ûrîa ûmwîtîkîtie, nwatî ndakenagua nî arîa mamûtiganagîria na nî amaverithagia.

Thaburi 34:4

Nînavoire Ngai-Mûnene, na akîmbîgua; nîwanthiririe guoya yonthe îrîa naarî nayo.

Thaburi 53:2

Ngai arî îgûrû nîaroragia andû gûkû nthî, nîguo one kana kûrî wanarî andû aûgî, kana kûrî wanarî andû mamûgoocaga.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Amosi 5:14

Geragiani gwîka maûndû marîa maro na mûtigekage marîa macûku nîguo mûtûûre mwoyo. Mweka ûguo, Ngai-Mûnene, Mwene vinya wonthe akethagîrwa arî vamwe na mue wata ûrîa mugaga.

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

Ndari 14:42

Mûtikathiî vûrûrirî ûcio nîûndû Ngai-Mûnene tîethîrwa arî namue, na mûkavootwa nî nthû cienyu.

Ndari 14:43

Amaleki na Akanaani nîmakaarûa namue na mamûûrage, nîûndû nîmûregete kwathîkîra Ngai-Mûnene. Ke tîethîrwa arî vamwe namue nîûndû nîmûregete kwathîkîra Ngai-Mûnene.”

Mathaayo 13:9

Nake Jesû akîrîkîrîria nîwamerire atîrî, “Ûrîa wîna matû ma kwîgua nîegue!”

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.

Ahib 10:38

Mûndû wa wonthe mûthingu nîagaatûûra mwoyo nîûndû wa gwîtîkia, nwatî ethîrwa nwa acoke na vuva ndingîkenua nîke.”

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

Josh 22:31

Nake Finehasi mûvîcî wa Eliazaru mûthînjîri-Ngai nîwamerire atîrî, “Rîu nîtwamenya atî Ngai-Mûnene arî natue. Mûtinaregana nake, kwoguo nîmwavonokia andû a Isiraeli kuuma kûrî îverithia rîake.”

Josh 24:20

ethîrwa nwa mûtiganîrie Ngai-Mûnene na mûcoke gûtungatîra ngai ng'eni. Nîakaamûgarûrûka na amûverithie mûthire wana ethîrwa kûrî mue aarî Ngai mwaro.”

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 2:29

Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 3:13

“Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Kûguû 3:22

“Mûndû wa wonthe ûrî na matû ma kwîgua nîathikîrîrie ûrîa Roho areera Makanitha!”

Kûguû 3:6

“Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Atir 10:13

Nwatî nîmwandiganîrie na mûgîtungatîra ngai ciîngî. Kwoguo ndikamûvonokia rîngî.

Atir 9:7

Rîrîa Jothamu aaveerwe ûvoro ûcio, nîwathiîre na akîrûngama îgûrû rîa gacûmbîrî ga kîrîma Kîam Gerizimu. Nîwaugîrîrie na mûgambo mûnene atîrî, “Nthikîrîriani mue andû a Shekemu nîguo wanake Ngai amûthikîrîrie!

1Sam 12:14

Ethîrwa mue nîmûgûtîîa Ngai-Mûnene, Ngai wenyu, mûmûtungatagîre, mûmûthikagîrîrie, na mwathîkagîre maathani make, na ethîrwa mûthamaki wenyu akaarûmagîrîra Ngai wenyu-rî, maûndû makethîrwa marî maro.

1Sam 12:15

Nwatî ethîrwa mue tî mûthikîrîria ûrîa Ngai-Mûnene akuuga na mûrege kwathîkîra maathani make, Ngai-Mûnene nîamûverithia wa vamwe na mûthamaki wenyu.