2Maû 15:17 - ÎVUKU RÎA ÛVORO MWARO

¹⁷ Wana ethîrwa Asa ndaacûkangia kûndû kuonthe kûrîa kwagoocagîrwa ngai cia mîvuanano vûrûrirî wa Isiraeli, ke aarî mwîvokeku kûrî Ngai-Mûnene ûtûûrorî wake wonthe.

2Maû 15:17 ပူးပေါင်းရင်းမြစ်များ

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 22:43

Jehoshafati nîwekire maûndû maro mbere ya Ngai-Mûnene wata ûrîa îthe Asa eekire; nwatî ndaacûkangia kûndû kûrîa kwagoocagîrwa, nao andû nwa maarutagîra magongoona kuo na makavîvagîria ûbani kuo.

2Atha 12:3

Kûnarî ûguo, kûndû kûrîa gûtûgîru kwagoocagîrwa gûtiacûkangua, na andû nîmaathiîre na mbere kûrutîra magongoona kuo.

2Atha 14:4

Ndaacûkangia kûndû kûrîa kwagoocagîrwa mîvuanano, na andû nîmaathiîre na mbere kûruta magongoona na kûvîvîria ûbani kuo.

2Maû 15:16

Mûthamaki Asa nîwathengutirie ng'ina Maaka gîtîrî Kîam ûnene Kîam mûndûmûka mûthamaki, nîûndû nîwarûthîte mûvuanano wa Ashera, ngai ya mûndûmûka. Asa nîwatemire mûvuanano ûcio wa Ashera na ûkîgwa, akîunanga tûcunjî na akîûvîvîria karûnjîrî ga Kidironi.

2Maû 15:18

Nîwaretire hekarûrî indo cionthe irîa ciamûrîrîtwe Ngai nî îthe Abija, wa vamwe na thaavu na indo cia sîlûva îrîa ke mwene aamûrîrîte Ngai.

2Maû 17:6

Jehoshafati nîwendeete mûno na ngoro yake gûtungatîra Ngai-Mûnene. Nîwacûkangirie kûndû kûrîa kwagoocagîrwa ngai cia mîvuanano na mûvuanano wa Ashera, ngai ya mûndûmûka vûrûri wa Juda.

2Maû 20:32

Jehoshafati nîwarûmîrîre mîthiîre ya îthe Asa na nîwekaga maûndû marîa maarî magîrîru mbere ya Ngai-Mûnene.

2Maû 20:33

Nwatî kûnarî ûguo, kûndû kûrîa kwavoyagîrwa ngai cia mîvuanano gûtiomomorwa na andû matiarî acokereru kûgooca Ngai wa methe mao na ngoro ciao.

2Maû 28:4

Ahazi nîwarutire magongoona na akîvîvîria ûbani kûndû kuonthe kwagoocagîrwa ngai cia mîvuanano, irîmarî na rungu rwa mîtî yonthe yarî mîruru.

2Maû 33:17

Kûnarî ûguo, andû nîmaathiîre na mbeere kûrutîra magongoona kûndû kûrîa kwagoocagîrwa ngai cia mîvuanano, nwatî maarutaga magongoona mau kûrî Ngai-Mûnene.