2Maû 14:6 - ÎVUKU RÎA ÛVORO MWARO

⁶ Mûthamaki Asa nîwatumire matûûra mairigîre kûu Juda kavindarî kau kwarî na thayû. Vûrûri wake nîwekarire îvinda rîa mîaka mîîngî gûtarî na mbaara, nîûndû Ngai-Mûnene nîwamûvete thayû.

2Maû 14:6 ပူးပေါင်းရင်းမြစ်များ

1Atha 5:4

Nwatî Ngai-Mûnene, Ngai wakwa nîatwîguithanîtie na andû onthe arîa tûvakanîte nao. Ndirî na nthû na ndirî na thîna wana ûrîkû.

1Maû 22:13

Ethîrwa nîûkaathîkîra mawatho monthe marîa Ngai-Mûnene aaveere Aisiraeli kûvîtûkîra Musa, maûndû maku nîmakaavua. Gîa na vinya, wîyûmîrîrie na ndûgetigîre kana ûgîa na guoya.

1Maû 22:9

Ngai-Mûnene nîwambîrire atî, nîngaagîa na mwana wa kavîcî na akethîrwa arî mûndû wa thayû. Nîakaagîa na thayû kuuma kûrî nthû ciake cionthe irîa ikethîrwa imûthiûrûrûkîrîtie. Rîîtwa rîake ageetagwa Solomoni na nîakaava Isiraeli thayû rîrîa akethîrwa arî mûthamaki.

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

2Maû 17:4

Nwatî nîwagoocaga Ngai wa îthe na akarûmîrîra maathani make, na ndeeka ta ûrîa athamaki a Isiraeli meekaga.

2Maû 20:30

Kwoguo ûthamaki wa Jehoshafati nîwekarire ûrî na thayû, nîûndû Ngai nîwamûgitîrîte kuuma mîena yonthe.

2Maû 26:5

Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

2Maû 31:21

Wîra wa wonthe ûrîa mûthamaki Hezekia aarutaga hekarûrî wîgiî kûrûmîrîra watho na maathani ma Ngai, aaûrutaga arî na wîvokeku na nîwavoyaga Ngai wake na akaruta wîra na ngoro yake yonthe. Kwoguo nîwekindîrie.

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Josh 23:1

Vuva wa kavinda karaca Ngai-Mûnene nîwavere andû a Isiraeli thayû wa gwîkara matakûrûa na nthû irîa ciamathiûrûrûkîrîtie. Vîndî îo Joshua aarî mûkûrû mûno.

Atir 3:11

Nîkwagîre thayû vûrûrirî îvinda rîa mîaka mîrongo îna, nake Othinieli agîcoka agîkua.

Atir 3:30

Mûthenya ûcio Aisiraeli nîmaavootire Amoabu na nîkwagîre thayû vûrûrirî îvinda rîa mîaka mîrongo înana.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.