2Maû 14:14 - ÎVUKU RÎA ÛVORO MWARO

¹⁴ Nîmaacokire magîcûkangia matûûra monthe marîa maathiûrûrûkîrîtie Gerari nîûndû andû a kuo nîmaagîte na guoya nîûndû wa Ngai-Mûnene. Nîmaatavire indo nyîngî mûno kuuma matûûrarî mau na makîthiî nacio.

2Maû 14:14 ပူးပေါင်းရင်းမြစ်များ

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

1Atha 15:23

Maûndû marîa mengî monthe marîa Asa eekire, maûndû ma vinya marîa eekire na matûûra marîa aatumire, nîmandîke îvukuurî rîa maûndû ma tene ma Athamaki a Juda. Nwatî ûkûrûrî wake, nîwarwarire magûrû.

2Atha 7:16

Andû a Samaria nîmaacokire makîthiî kûrîa andû a Sîria maambîte magema na makîîa indo cia andû a Sîria. Kilo ithatû cia mûtu ûrîa mwaro mûno kana kilo ithathatû cia cairi nîciendagua gacunjî kamwe ga sîlûva, wata ûrîa Ngai-Mûnene aaugîte.

2Maû 14:15

Nîmaathiîre na makîtharîkîra kûrîa arîthi maambîte magema mao na magîkuua ng'ondu na ngamîîra nyîngî. Vuva wa ûguo nîmaacokire Jerusalemu.

2Maû 17:10

Ngai-Mûnene nîwatûmire mavûrûri monthe marîa maathiûrûrûkîrîtie Juda metigîre kûrûa na mûthamaki Jehoshafati.

2Maû 20:25

Mûthamaki Jehoshafati na athigari ake nîmaathiîre gûtava indo kuuma kûrî andû acio na nîmethîîre ng'ombe nyîngî, indo ciîngî, nguo na indo cia goro. Indo icio ciarî nyîngî mûno irîa maaûnganîtie îvinda rîa mîthenya îthatû nwatî matiavota gûikuua cionthe.

2Maû 20:29

Mothamaki ma mavûrûri monthe marîa megwire ûrîa Ngai-Mûnene aavootete nthû cia Isiraeli nîmeetigîre Ngai.

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Thaburi 68:12

“Athamaki na athigari ao a mbaara nîmaraûra!” Aka arîa maarî mîciî nîmaagaanire indo irîa ciatavîtwe,

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 33:23

Mîkanda yonthe ya meri icio nî mîregerû; ndîngîvota kûrûngamia mîtî ya vendera, wana kana matûme itambaa itambûrûke nîguo ivotithie meri kûthiî. Nwatî indo nyîngî irîa itavîtwe nîikagaanua, wana nginya cionje nîigooca indo ciao.

Aroma 8:37

Nwatî maûndûrî mama monthe, tue nîtûvootanîte na njîra ya ûcio watwendire.

Gûco 2:25

Kuuma ûmûnthî nîngûtûma andû onthe mamwîtigîre. Andû a nthî yonthe makegucaga mwagwetwa makainaina nî guoya.’

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

1Sam 14:15

Nao Afilisiti onthe arîa maarî na kûu mîgûndarî makîmaka. Andû arîa maathiîte kûûragana vamwe na athigari arîa maarî magemarî nîmaainainire nîûndû wa guoya; nîkwagîre na kîthingithia nthî na gûkîgîa na kîmako kînene mûno.