2Maû 14:11 - ÎVUKU RÎA ÛVORO MWARO

¹¹ Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 14:11 ပူးပေါင်းရင်းမြစ်များ

1Atha 8:44

“Rîrîa ûkaatha andû aku mathiî makarûe na nthû ciao na makûvoye marî wa kûrîa kuonthe makethîrwa marî, merekerete îtûûra rîîrî we ûthuurîte vamwe na hekarû îno îtanîtue nawe,

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 13:14

Rîrîa athigari a Juda maaroririe na makîona atî nîmaratharîkîrwa na mwena wa mbere na wa vuva, nîmaarîrîre Ngai-Mûnene amatethie, nao athînjîri-Ngai makîvuva tûrumbeta.

2Maû 13:15

Athigari a Juda nîmaacokire makiugîrîria na mûgambo wa mbaara. Nao nîmaatharîkîre na Ngai agîtûma Jeroboamu na athigari a Isiraeli mavootwe nî Abija na athigari a Juda.

2Maû 13:18

Kwoguo kavinda kau athigari a Isiraeli nîmaavootirwe. Nao athigari a Juda maavootanire nîûndû nîmeevokire Ngai-Mûnene, Ngai wa methe mao.

2Maû 14:10

Asa nîwathiîre nîguo makarûe na Zera. Nao oîrî nîmaavangire athigari ao mang'ethanîrîte Kîamndarî Kîam Zefatha vakuvî na Maresha.

2Maû 16:7

Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.

2Maû 18:31

Rîrîa anene acio a ikaari cia mbarathi moonire Jehoshafati, nîmeciririe atî nîke mûthamaki wa Isiraeli, kwoguo nîmaagarûrûkire nîguo mamûtharîkîre. Nwatî Jehoshafati nîwaugîrîrie na Ngai-Mûnene nîwamûtethirie. Ngai nîwatûmire andû arîa maamûtharîkagîra matige kûmûtharîkîra.

2Maû 20:12

Ûûi Ngai wetû, verithia andû aya nîûndû tue tûtirî na vinya wa kûrûa na athigari aya eengî ûguo maûkîte gûtûtharîkîra. Tûtiîcî nîtwîka atîa, nwatî we nîwe twetererete ûtûtethie.”

2Maû 20:32

Jehoshafati nîwarûmîrîre mîthiîre ya îthe Asa na nîwekaga maûndû marîa maarî magîrîru mbere ya Ngai-Mûnene.

2Maû 25:8

Nwatî ûngîthiî nao ûgîciragia atî ûkaavootana, ndûkaavootana. Ngai nîke wî na ûvoti wa gûtûma ûvootana kana ûvootwe, ke nîagaakûrekereria ûvootwe nî nthû ciaku.”

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Thaburi 18:6

Rîrîa naarî thînarî nînetire Ngai-Mûnene, nînaakaîre Ngai wakwa nîguo andethie. Nîwambîguire arî hekarûrî yake, nîwathikîrîrie ngîmûkaîra nîguo andethie.

Thaburi 20:5

Nîtûkaaugîrîria tûkenete nîûndû wa ûvootani waku, na tûkîrîrie vendera nîguo tûkumie rîîtwa rîa Ngai wetû. Ngai-Mûnene arokûvingîria maûndû monthe marîa ûmûvoete.

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Thaburi 20:8

Andû ta acio nîmakaavîngwa na magwe, nwatî tue nî tûgaûkîra na tûrûngame twîkindîrîtie.

Thaburi 22:5

Nîmaagûkaîre na nîwamavonokirie, nîmaakwîvokire na matiaconorithua.

Thaburi 22:6

Nwatî andû monaga mbîkariî ta kîgunyû na tî ta mûndû, nthekagîrîrwa na nganyararwa nî andû onthe!

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Thaburi 37:5

Nengera Ngai-Mûnene ûtûûro waku, mwîvoke na nîagûgûtethia.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 9:19

Ûka, Ngai-Mûnene! ndûkareke andû mavootane! Rete andû a ndûrîrî varî we na ûmatuîre.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 10:20

Mûthenya ûcio andû a Isiraeli, arîa makethîrwa matigarîte na andû a Juda arîa makethîrwa marî mwoyo matikevoka rîngî vûrûri ûrîa wamavinyagîrîria, nwatî makevoka nama Ngai-Mûnene, Ûrîa Mûtheru wa Isiraeli.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Isaia 26:13

Ûûi Ngai-Mûnene, Ngai wetû, nîtwathagwa nî athani engî, nwatî we wenga tu nwawe twicî.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Alawi 26:8

Andû atano enyu nî makaavoota andû îgana, nao andû îgana enyu nîmakaavoota andû ngiri îkûmi na nî mûkaavoota nthû cienyu.

Amosi 5:9

Nîke ûthiragia arîa marî vinya na agacûkangia kûndû kwao gwa kwîgitîra.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Ciîko 2:21

Na mûndû wa wonthe ûgeeta Mwathani akîenda ûtethio nîakaavonokua.’

Ciîko 3:16

Vinya wa rîîtwa rîa Jesû nîguo watûma mûndû ûyû ûraarî kîonje agîe na vinya. Ûguo mue mûrona na mûramenya wekîka nîûndû wa gwîtîkia rîîtwa rîa Jesû.

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 32:27

Nwatî ndingîetîkîrie nthû ciao ciîtîîe, ikiugaga atî nîciavootire andû akwa, wa rîrîa arî nie mwene naamaverithirie.’

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Atir 7:7

Ngai-Mûnene nîwerire Gideoni atîrî, “Nîngamûvotithia kûvoota Amidiani mûrî na andû magana mathatû acio maatavire manjî na mvî na makînyua. Îra andû acio engî onthe menûke.”

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:47

Nao andû aya onthe marî ava nîmakûmenya atî Ngai-Mûnene ndavonokanagia na rûviû rwa njûra na îtumû. Ke nîke ûvootanaga mbaararî na nîke ûgûtûma tûmûvoote mue muonthe.”

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.