2Maû 14:10 - ÎVUKU RÎA ÛVORO MWARO

¹⁰ Asa nîwathiîre nîguo makarûe na Zera. Nao oîrî nîmaavangire athigari ao mang'ethanîrîte Kîamndarî Kîam Zefatha vakuvî na Maresha.

2Maû 14:10 ပူးပေါင်းရင်းမြစ်များ

2Maû 13:18

Kwoguo kavinda kau athigari a Isiraeli nîmaavootirwe. Nao athigari a Juda maavootanire nîûndû nîmeevokire Ngai-Mûnene, Ngai wa methe mao.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 14:9

Zera wa kuuma Ethiopia nîwathiîre kûrûa na Asa arî na athigari milioni îmwe (1,000,000) na ikaari magana mathatû (300) cia mbarathi. Aathiîre nginya agîkinya îtûûrarî rîa Maresha.

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

Thaburi 20:8

Andû ta acio nîmakaavîngwa na magwe, nwatî tue nî tûgaûkîra na tûrûngame twîkindîrîtie.

Thaburi 31:15

Ûtûûro wakwa ûrî njararî ciaku, mvonokia kuuma kûrî nthû ciakwa, kuuma kûrî arîa manyariraga.

Thaburi 9:20

Tûma megue guoya, we Ngai-Mûnene; tûma andû a ndûrîrî mamenye atî, o nî andû.

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Josh 19:4

Elitoladi, Bethuli, Horima,

Atir 1:17

Andû a Juda nîmaacokire makîthiî vamwe na andû a Simeoni na makîvoota andû a Kanaani arîa maatûûraga îtûûrarî rîa Zefathu na magîcûkangia îtûûra rîu viû. Îtûûra rîu nîrîacokire gwîtwa Horima.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:45

Daudi nîwerire Goliathu atîrî, “We ûkîte kûrî nie na rûviû rwa njûra, îtumû na îtumû rîa gwikia, nwatî nie nîmbûka kûrî we na rîîtwa rîa Ngai-Mûnene mwene vinya wonthe, na nîke Ngai wa athigari a Isiraeli ûrîa we ûnyararithîtie.