2Maû 13:14 - ÎVUKU RÎA ÛVORO MWARO

¹⁴ Rîrîa athigari a Juda maaroririe na makîona atî nîmaratharîkîrwa na mwena wa mbere na wa vuva, nîmaarîrîre Ngai-Mûnene amatethie, nao athînjîri-Ngai makîvuva tûrumbeta.

2Maû 13:14 ပူးပေါင်းရင်းမြစ်များ

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 18:31

Rîrîa anene acio a ikaari cia mbarathi moonire Jehoshafati, nîmeciririe atî nîke mûthamaki wa Isiraeli, kwoguo nîmaagarûrûkire nîguo mamûtharîkîre. Nwatî Jehoshafati nîwaugîrîrie na Ngai-Mûnene nîwamûtethirie. Ngai nîwatûmire andû arîa maamûtharîkagîra matige kûmûtharîkîra.

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 91:5

Ndûgetigîra ûgwati wa ûtukû, kana kûtharîkîrwa wa rîmwe mûthenya;

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

Ndari 10:9

Vîndî îrîa mûrarûa na nthû yenyu îrîa îmûthithûkîrîte kûu vûrûrirî wenyu, vuvagani tûrumbeta na vinya mûno. Nie Ngai-Mûnene Ngai wenyu, nîngaamûtethia na nîmûvonokie kuuma kûrî nthû cienyu.

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Josh 8:20

Vîndî îrîa andû a Ai maaroririe na vuva, nîmoonire îtûûra rîao rîkiuma ndogo yunûkîtie na îgûrû matuurî. Nao athigari a Isiraeli arîa maaûrîte mathiîte werûrî, nîmaamavûgûkîre na makîtharîkîra andû a Ai na matingîavotire kûûra.