2Maû 13:12 - ÎVUKU RÎA ÛVORO MWARO

¹² Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 13:12 ပူးပေါင်းရင်းမြစ်များ

2Maû 24:20

Roho wa Ngai nîwanyûrûrûkire kûrî Zakaria mûvîcî wa Jehoiada mûthînjîri-Ngai. Nîwarûngamire vandû andû onthe maavotaga kûmwona na akîmeera atîrî, “Ngai araûria, nîndûî gîtûmaga mune maathani ma Ngai-Mûnene! Mûtingîthatûkwa nîûndû nîmûmûregete; kwoguo wanake nîamûregete.”

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

Ayubu 40:9

We wî vinya ta nie? Wavota kûruruma na mûgambo ta wakwa?

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Jeremia 2:37

Nîmûkauma kûu Misiri, mwîkîrîte njara ciongo nî nthoni. Nie Ngai-Mûnene nîndeganîte na andû arîa wîvokete, na ûtethio wao ndûgatûma maûndû maku mavue.

Jeremia 50:24

We Babuloni, nagûtegire na ngîkûgwatia, na ndwamenya ûndû ûcio, nîwonekire na ûkîgwatwa, nîûndû nîwang'ang'anire na Ngai-Mûnene.

Ezek 17:9

“Kwoguo nie Ngai-Mûnene nîraûria kana mûthavibu ûcio nîûgaakûra? Anga tîgûkûrwa ûgaakûrwa mîri yaguo na ûtemangwe maciaro maguo nîguo more na maûme, namo mathangû maguo marîa methî wanamo maûme? Gûtikaaûrua mûndû ûrî na vinya kana gîkundi Kîam andû eengî a gûûkûûra vamwe na mîri yaguo.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Ndari 14:41

Nwatî Musa nîwaugire atîrî, “Nîndûî gîtûmaga mûrega kwathîkîra Ngai-Mûnene? Mûtikavootana!

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Ndari 31:6

Musa nîwatûmire arûme acio mbaararî. Nao maatongoretue nî Finehasi mûvîcî wa Eliazaru mûthînjîri-Ngai. Finehasi athiîre akuuîte indo cia Vandû Varîa Vatheru vamwe na tûrumbeta twa kûvuva nîûndû wa mbaara.

Ciîko 5:39

Nwatî ethîrwa umanîte na Ngai, mue tîmûmûvoota. Mwavota kwîthîrwa mûrarûa na Ngai ke mwene!” Nao aakîama acio nîmaarûmîrîre ûtaari wa Gamalieli.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 20:4

Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’

Gûco 28:29

Mûkaathiîcaga mûthenya mûkînyitanyitaga ta ndumumu na gûtirî ûndû ûkaamûthatûka maûndûrî marîa mûgeekaga. Mûkaavinyagîrîrua vîndî cionthe na mûgacunagwa indo cienyu na vinya na gûtirî mûndû ûkaamûtethia.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.