2Maû 12:2 - ÎVUKU RÎA ÛVORO MWARO

² Mwakarî wa gatano kuuma Rehoboamu atuîka mûthamaki, Shishaki mûthamaki wa Misiri nîwatharîkîre Jerusalemu nîûndû Rehoboamu na andû ake matiarî evokeku.

2Maû 12:2 ပူးပေါင်းရင်းမြစ်များ

1Atha 11:40

Kwoguo Solomoni nîwageririe kûûraga Jeroboamu, nwatî Jeroboamu nîwatorokire na akîthiî kûrî Shishaka, mûthamaki wa Misiri na agîtûûra kûu Misiri nginya rîrîa Solomoni aakwire.

2Atha 7:6

Ngai-Mûnene nîwatûmîte athigari a Sîria megue ta mûgambo wa ikaari cia mbaara na ta wa mbarathi, ta mûgambo wa athigari eengî mûno a mbaara, na makîrana atîrî, “Taroria, mûthamaki wa Isiraeli nîakomborete athamaki a Ahiti, na athamaki a Misiri nîguo maûke matûtharîkîre.”

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 14:8

Asa aarî na athigari a mbaara ngiri magana mathatû (300,000) kuuma mûvîrîgarî wa Juda maarî na ngo nene na matumû, na engî ngiri magana maîrî ma mîrongo înana (280,000) kuuma mûvîrîgarî wa Benjamini na maarî na ngo na moota. Onthe maarî athigari maarî na vinya na njamba.

2Maû 14:9

Zera wa kuuma Ethiopia nîwathiîre kûrûa na Asa arî na athigari milioni îmwe (1,000,000) na ikaari magana mathatû (300) cia mbarathi. Aathiîre nginya agîkinya îtûûrarî rîa Maresha.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

Isaia 18:2

Vûrûri ûcio ûtûmaga anjaama makathiî na rûnjî rwa Nailo, marî matarûrî matumîtwe na mîrura. Thiîni mue anjaama aya mûthiîcaga na îvenya, thiîni vûrûrirî ûcio mûnene na ûrî vinya, vûrûri ûcio ûgaanîtue nî nyûnjî, ûrî andû araca na marî rûûo rûnyoroku, andû metigîrîtwe nî andû a nthî yonthe.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Maca 5:15

Gîkeno Kîam ngoro cietû nîkîthiru, îthenya rîa kwîinia twîcûrîtwe nî kîeva.