2Maû 12:1 - ÎVUKU RÎA ÛVORO MWARO

¹ Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.

2Maû 12:1 ပူးပေါင်းရင်းမြစ်များ

1Atha 12:17

Nwatî nîmaatigire Rehoboamu arî mûthamaki wa andû a Isiraeli, arîa tu maatûûraga matûûrarî ma Juda.

1Atha 14:21

Rehoboamu mûvîcî wa Solomoni aarî na ûkûrû wa mîaka mîrongo îna na ûmwe (41) rîrîa aatuîkire mûthamaki wa Juda, na aathanire îvinda rîa mîaka îkûmi na mûgwanja (17) arî Jerusalemu. Jerusalemu nîrîo îtûûra rînene rîrîa Ngai-Mûnene aathuurîte kuuma vûrûrirî wonthe wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma Aamoni.

1Atha 9:9

Nao andû nîmakaamacokeria atîrî, ‘Nîûndû nîmaatiganîrie Ngai-Mûnene, Ngai wao, ûrîa warutire methe mao ma tene vûrûrirî wa Misiri, na makîrûmîrîra ngai ciîngî na makîigooca na magîitungatîra. Ngai-Mûnene nîwamaretere mathîna mama monthe.’ ”

2Atha 17:19

Andû a Juda wanao matiathîkîra mawatho ma Ngai-Mûnene Ngai wao; nîmaarûmîrîre mîtugo îrîa yaretirwe nî andû a Isiraeli.

2Maû 11:17

Andû acio nîmaatûmire ûthamaki wa Juda ûgîe na vinya na nîmaatirîrîre Rehoboamu mûvîcî wa Solomoni îvinda rîa mîaka îthatû. Kavindarî kau nîmaatûûrire ta ûrîa maatûûraga vîndî ya wathani wa mûthamaki Daudi na mûthamaki Solomoni.

2Maû 11:23

Rehoboamu nîwatûmîre ûûgî kûva anake ake mawîra. Nîwatûmire amwe icunjîrî cia vûrûri wa Juda na wa Benjamini matûûrarî marîa maarî mairigîre. Nîwamaveecaga indo cia kwîgana na nîwamacarîrîtie aka eengî a kûvikia.

2Maû 11:3

athiî akeere Rehoboamu mûvîcî wa Solomoni mûthamaki wa Juda, na andû onthe a mûvîrîga wa Juda na Benjamini atîrî,

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.

Atir 2:15

Vîndî cionthe mathiî mbaararî, Ngai-Mûnene nîwareganaga nao wata ûrîa aamerîte atî nîakameeka. Nao nîmaathînîkire mûno.