2Maû 11:16 - ÎVUKU RÎA ÛVORO MWARO

¹⁶ Andû onthe vûrûrirî wa Isiraeli arîa maatuîte atî nîmakwenda kûgooca Ngai-Mûnene, Ngai wa Isiraeli nîmaarûmanîrîre na Alawi na makîthiî Jerusalemu nîguo makarute magongoona kûrî Ngai-Mûnene, Ngai wa methe mao.

2Maû 11:16 ပူးပေါင်းရင်းမြစ်များ

1Maû 16:29

Kumiani rîîtwa rîa Ngai-Mûnene rîrîa rîrî riiri, reteni matega na mûke mbere yake. Goocani Ngai-Mûnene arî varîa vatheru.

1Maû 22:1

Mûthamaki Daudi nîwacokire akiuga atîrî, “Ava nîvo vagaatumwa hekarû ya Ngai-Mûnene, Ngai, na metha ya kîgongoona nîguo andû a Isiraeli mavîvagîrie matega vo.”

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

2Maû 11:17

Andû acio nîmaatûmire ûthamaki wa Juda ûgîe na vinya na nîmaatirîrîre Rehoboamu mûvîcî wa Solomoni îvinda rîa mîaka îthatû. Kavindarî kau nîmaatûûrire ta ûrîa maatûûraga vîndî ya wathani wa mûthamaki Daudi na mûthamaki Solomoni.

2Maû 15:12

Nîmaarûthire kîrîkanîro atî makaathîkagîra Ngai-Mûnene, Ngai wa methe mao na ngoro yonthe mwoyo wonthe.

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

2Maû 15:9

Mûthamaki Asa nîwagomanirie vamwe andû onthe a Juda na a Benjamini na arîa maatûûraga Juda maumîte mîvîrîgarî ya Efiraimu, Manase na Simioni. Andû acio maathiîre kûrî Asa nîûndû nîmoonire atî Ngai-Mûnene, Ngai wa Asa aarî vamwe nake.

2Maû 19:3

Kûnarî ûguo, nîwonetwe ûrî na maûndû maro. Nîwathiririe mîvuanano ya Ashera, ngai ya mûndûmûka gûkû vûrûrirî îrîa andû maagoocaga na nîûgeretie mûno gûcaria wendi wa Ngai na ngoro yonthe.”

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

2Maû 20:4

Andû onthe a Juda kuuma matûûrarî monthe nîmaagomanire vamwe nîguo mavoe Ngai-Mûnene amatethie.

2Maû 30:11

Kûnarî ûguo, andû anini a kuuma Asheri, Manase na Zebuluni nîmeenyivirie na makîthiî Jerusalemu.

Ayubu 34:14

Ethîrwa Ngai nwa ecirie ke mwene; athengutia mîvevû yake gûkû nthî,

Thaburi 108:1

Ngoro yakwa nîîkindîrîtie we Ngai! ngaakwinîra na ngûkumie! Ngoro yakwa, ûkîra!

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Ntha 9:21

Nwatî arîa mataathikîrîria ûrîa Ngai-Mûnene aakananagia nîmaatigire ndîthia ciao wana ngombo nja.

Danieli 6:14

Rîrîa mûthamaki egwire ûguo, nîwathînîkire mûno na agîîciria ûrîa angîtethûra Danieli. Aatindire mûthenya mûgima akîgeragia ûrîa angîvonokia Danieli.

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Hagai 1:5

Rîu Ngai-Mûnene mwene vinya wonthe arauga atîrî, “Îîcirieni kana mwîthîrîtwe mûgîka waro.

Zakaria 8:21

Andû a îtûûra rîmwe nîmakaathiî îtûûrarî rîngî na nîmakaauga atî, ‘Tigani tûthiî Jerusalemu nîguo tûkagooce Ngai-Mûnene mwene vinya wonthe na tûmûvoe atûrathime. Tûthiîcanie vamwe.’

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

Josh 22:19

Nwatî ethîrwa vûrûri wenyu tî mwagîrîru wa kûgoocagîrwa, ûkani vûrûrirî wa Ngai-Mûnene kûrîa Îgema rîake rîrî. Ûkani vûrûrirî wetû na mûthuure vandû mûngîtûûra. Mûtikaregane na Ngai-Mûnene na mûtûme wanatue tûtuîka evia a kûregana nake. Mûtigatume metha îngî ya kîgongoona nîûndû kûrî na metha ya kîgongoona ya Ngai-Mûnene, Ngai wetû.