2Maû 11:14 - ÎVUKU RÎA ÛVORO MWARO

¹⁴ Alawi nîmaatiganîrie kûndû kwao gwa kûrîthua na kûrîa maatûûraga na makîthiî Juda na Jerusalemu, nîûndû Jeroboamu na avîcî ake nîmaamagirîtie matungata marî athînjîri-Ngai a Ngai-Mûnene.

2Maû 11:14 ပူးပေါင်းရင်းမြစ်များ

1Atha 13:33

Vuva wa maûndû mau Jeroboamu, mûthamaki wa Isiraeli ndaatiga gwîka maûndû macûku. Nwatî nîwathiîre mbere kûthuura athînjîri-Ngai kuuma kûrî andû a mîthemba yonthe nîguo matungatage metharî cia magongoona irîa aatumîte. Aamûraga mûthînjîri-Ngai wa wonthe wendaga kwamûrwa.

2Maû 11:13

Athînjîri-Ngai na Alawi kuuma vûrûrirî wonthe wa Isiraeli nîmaaumire kûrîa maatûûraga na makîthiî kûrî Rehoboamu.

2Maû 13:9

Kinthî mûtiengatire athînjîri-Ngai a Ngai-Mûnene, njiarwa cia Aroni na Alawi na mûkîîthuurîra athînjîri-ngai enyu ta andû a mavûrûri marîa mengî? Mûndû wa wonthe ûngîûka kwîyamûra arî na ndegwa îtarî ngûrû kana ndûrûme mûgwanja nîatuîkaga mûthînjîri-Ngai wa indo icio mwîtaga ngai cienyu.

Ndari 35:8

Mwîgana wa matûûra marîa mûkaava Alawi kuumana na kûrîa andû a Isiraeli maagaîrwe gûkaringana na ûrîa mûvîrîga wîgana. Mûvîrîga ûrîa mûnene nîûkaavecana matûûra mengî naguo mûvîrîga ûrîa mûnini ûvecane matûûra manini. Wa mûvîrîga nîûkaava Alawi matûûra kûringana na mwîgana wa vûrûri ûrîa maagaire.”