2Maû 10:16 - ÎVUKU RÎA ÛVORO MWARO

¹⁶ Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Nî îgai rîrîkû tûrî narîo kuuma kûrî Daudi? Tûtirî na îgai kuuma kûrî mûvîcî wa Jesii. Andû a Isiraeli, twînûkeni! Daudi gitîra nyomba yaku we mwene!” Kwoguo andû onthe nîmaathiîre magemarî mao,

2Maû 10:16 ပူးပေါင်းရင်းမြစ်များ

2Sam 15:13

Mûnjaama ûmwe nîwathiîre kûrî Daudi na akîmwîra atîrî, “Aisiraeli marî mwena wa Abusalomu na nîmaramûkumia.”

2Sam 16:11

Daudi nîwerire Abishai na ndungata ciake cionthe atîrî, “Ethîrwa mûvîcîwa ke mwene nîarenda kûmbûraga, kinthî Mûbenjamini ûyû ndangîmbîka maûndû macûku makîria? Ngai-Mûnene nîke ûmwîrîte arumane, kwoguo tiganani nake arumane.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

1Atha 11:13

Ndikaamûcuuna ûthamaki wonthe, nwatî nîngaava mûvîcîguo mûvîrîga ûmwe nîûndû wa gîtîîo Kîam ndungata yakwa Daudi na nîûndû wa gîtîîo Kîam îtûûra rîa Jerusalemu rîrîa nîîthuurîrîte.”

1Maû 17:14

Nîngaamûtua mûrûngamîrîri wa nyomba yakwa na mûrûngamîrîri wa ûthamaki wakwa nginya tene na tene na ûthamaki wake ndûkaathira.”

2Maû 10:17

na magîtiga Rehoboamu arî mûthamaki wa andû a Isiraeli arîa maatûûraga matûûrarî ma Juda.

2Maû 10:19

Kwoguo andû a Isiraeli matwîre mareganaga na wathani wa mbarî ya Daudi nginya ûmûnthî.

Thaburi 132:17

Nîngaatûma kuume ûmwe wa njiarwa cia Daudi arî mûthamaki; nîmwamûrîte atuîke ta taa ya andû akwa.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Amosi 9:11

Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

Luka 19:27

Nacio nthû ciakwa irîa iteendaga nduîke mûthamaki wacio, ireteni ava mbere yakwa na mûciûrage ngîonaga!’ ”

Johana 6:66

Na kuuma vîndî îo arûmîrîri eengî a Jesû nîmaamûtigire na matiacoka kûmûrûmîrîra rîngî.

Johana 7:53

Nao onthe nîmeenûkire wa mûndû gwake mûciî.

Ciîko 2:30

Ke aarî mûrathi na nîwecî kîrîa Ngai aamwîrîrîte. Ngai nîwevîtîte atî ke nîagaatûma ûmwe wa njiarwa cia Daudi atuîke mûthamaki wata ûrîa Daudi aarî.

1Akor 15:25

Kristû nwa nginya akaathana nginya rîrîa Ngai akaavoota nthû cionthe ciake na aciige rungu rwa magûrû ma Mûrû wa Mûndû.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Atir 8:35

Wana matiacokeria andû a mûciî wa Gideoni ngatho nîûndû wa maûndû monthe marîa Gideoni eekîrîte andû a Isiraeli.

1Sam 20:27

Mûthenya wa kaîrî vuva wa kîrugo Kîam karûngamo ka mweri, varîa Daudi eekaraga vatiarî na mûndû. Saûlo nîwaûririe mûvîcî Jonathani atîrî, “Daudi mûvîcî wa Jesii araregire gûka kîrugorî îgoro wana ûmûnthî nîkî?”

1Sam 22:13

Saûlo nîwamûririe atîrî, “We mûrî na Daudi mûnjirîrîte nîkî? Nîndûî gîatûmire ûmûva irio na ûmûnengera rûviû na ûvoe Ngai vandûrî vake? Rîu nîareganîte nanie na etererete one kamweke nîguo ambûrage!”

1Sam 22:7

Saûlo nîwerire ndungata ciake atîrî, “Nthikîrîriani mue andû a Benjamini! Mûreciria atî Daudi nîakaamûva muonthe mîgûnda ya irio na ya mîthavibu na amûtue anene a athigari ake?

1Sam 22:9

Nake Doegu ûrîa warûngamîte vamwe na ndungata cia Saûlo nîwaugire atîrî, “Nînoonire Daudi mûvîcî wa Jesii athiîte Nobu kûrî Ahimeleku mûvîcî wa Ahitubu.