2Maû 1:6 - ÎVUKU RÎA ÛVORO MWARO

⁶ Solomoni nîwathiîre mbere ya îgema rîa Ngai-Mûnene varîa metha ya kîgongoona ya gîcango yarî na nîwarutîre Ngai-Mûnene matega ma kûvîvua ma ndegwa ngiri îmwe metharî îo.

2Maû 1:6 ပူးပေါင်းရင်းမြစ်များ

1Atha 3:4

Vîndî îmwe mûthamaki nîwathiîre Gibeoni kûrutîra magongoona kuo, nîûndû kûu nîkuo kwarî na îgweta mûno kwa magongoona. Mbererî, Solomoni nîwarutîrîte matega ma kûvîvua metharî îo ya kîgongoona maita meengî.

1Atha 8:5

Mûthamaki Solomoni na andû onthe a Isiraeli arîa maaûnganîte varî ke nîmaathiîre mbere ya îthandûkû rîa kîrîkanîro na makîruta îgongoona rîa ng'ondu na ndegwa nyîngî ûndû itangîatarîkire.

1Atha 8:63

Solomoni nîwarutire ndegwa ngiri mîrongo îîrî na igîrî na ng'ondu ngiri îgana rîmwe rîa mîrongo îîrî irî matega ma thayû. Ûguo nîguo mûthamaki vamwe na andû onthe a Isiraeli maamûrire hekarû.

1Maû 29:21

Mûthenya ûcio warûmîrîrîte nîmaarutîre Ngai-Mûnene magongoona. Nîmaarutîre Ngai-Mûnene matega ma kûvîvua ma ndegwa ngiri îmwe (1,000), ndûrûme ngiri îmwe, (1,000) na tûgondu ngiri îmwe (1,000), na matega ma ndivei, na matega mengî nîûndû wa andû onthe a Isiraeli.

2Maû 8:12

Solomoni nîwarutîre Ngai-Mûnene matega ma kûvîvua metharî ya kîgongoona îrîa aatumîte îrî kîthakurî gîa hekarû.

Isaia 40:16

Mûtitû wa Lebanoni ndûngiuma ngû mbîganu, kana nyamû ciakuo ciîgana cia kûmûrutîra îtega rîa kûvîvua.