2Maû 1:2 - ÎVUKU RÎA ÛVORO MWARO

² Mûthamaki Solomoni nîwetire anene onthe a athigari arîa maarûngamagîrîra athigari ngiri îmwe, magana, na anene, atongoria onthe a Isiraeli na atongoria a mbarî cionthe cia mîvîrîga ya Isiraeli.

2Maû 1:2 ပူးပေါင်းရင်းမြစ်များ

1Atha 3:4

Vîndî îmwe mûthamaki nîwathiîre Gibeoni kûrutîra magongoona kuo, nîûndû kûu nîkuo kwarî na îgweta mûno kwa magongoona. Mbererî, Solomoni nîwarutîrîte matega ma kûvîvua metharî îo ya kîgongoona maita meengî.

1Maû 13:1

Daudi nîwaranîrie na anene a athigari ngiri, îgana na mûndû wa wonthe warî mûtongoria.

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

1Maû 15:3

Daudi nîwagomanirie andû onthe a Isiraeli kûu Jerusalemu nîguo mavire îthandûkû rîa kîrîkanîro Kîam Ngai-Mûnene varîa aarîtumîrîte.

1Maû 24:31

Nao maagaîrwe mawîra ma mwanya na njîra ya gwikîrua mîtî wata ûrîa andû ao arîa maarî athînjîri-Ngai na maarî njiarwa cia Aroni meekire. Maaikîrue mîtî mbere ya mûthamaki Daudi, Zadoku, Ahimeleku, na anene a nyomba cia athînjîri-Ngai na Alawi.

1Maû 24:4

Kwarî na atongoria eengî a kuuma njiarwarî cia Eleazaru gûkîra arîa maaumîte njiarwarî cia Ithamaru. Kwoguo nîmaagaanirue ikundi îkûmi na ithathatû cia njiarwa cia Eleazaru, na ikundi inyanya cia njiarwa cia Ithamaru.

1Maû 27:1

Ûyû nîguo mûtaratara wa andû a Isiraeli, atongoria a mîciî, anene a athigari ngiri a mbaara na a magana, na anene arîa maatungataga mûthamaki. Wa mweri, gîkundi Kîam andû ngiri mîrongo îîrî na inya (24,000) nîkîethagîrwa gîgîtungata kîrî rungu rwa mûnene ûrîa wathuurîtwe mweri ûcio.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

1Maû 29:1

Mûthamaki Daudi nîwacokire akîra andû onthe arîa maagomanîte atîrî, “Mûvîcîwa Solomoni ûrîa Ngai athuurîte, nî mûndû mwîthî na ndarî na kîrîra kîîngî na wîra nî mûnene nîûndû nyomba îno tî ya mûndû, nwatî nî hekarû ya Ngai-Mûnene, Ngai.

2Maû 1:3

Nîwamerire mathiî marî vamwe nake Gibeoni varîa vaagoocagîrwa. Maathiîre kuo nîûndû nîkuo îgema rîa gûcemanîrua rîa Ngai rîarî. Îgema rîu nî rîrîa Musa, ndungata ya Ngai-Mûnene aatumîte arî werûrî.

2Maû 29:20

Mûthenya ûcio wîngî kîraûko, mûthamaki Hezekia nîwaûkîrire na agîta anene onthe a îtûûra na makîthiî hekarûrî.

2Maû 30:2

Mûthamaki na anene ake na andû onthe a Jerusalemu nîmaatuîte makûngûîre pasaka mweri wa kaîrî,