2Maû 1:1 - ÎVUKU RÎA ÛVORO MWARO

¹ Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

2Maû 1:1 ပူးပေါင်းရင်းမြစ်များ

Kîam 21:22

Vîndî wa îo Abimeleki na Fikoli mûnene wa athigari nîmaathiîre kûrî Iburahimu na makîmwîra atîrî, “Ngai ethagîrwa arî vamwe nawe maûndûrî monthe marîa wîkaga.

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:21

Nwatî Ngai-Mûnene aarî vamwe na Josefu na nîwamwonagia wendo ûtathiraga na agîtûma endwe nî mûrûngamîrîri wa njera.

Kîam 39:3

Mwathi wake nîwonire atî Ngai-Mûnene aarî vamwe na Josefu na nîwatûmaga athatûkwe maûndûrî monthe marîa eekaga.

1Atha 2:12

Kwoguo Solomoni nîwatuîkire mûthamaki vuva wa îthe Daudi na ûthamaki wake ûkîîvanda waro mûno.

1Atha 2:46

Mûthamaki nîwacokire akîatha Benaia mûvîcî wa Jehoiada athiî akaûrage Shimei. Nake Benaia nîwathiîre na akîûraga Shimei. Naguo ûthamaki nîwevandire vîndî îrîa mûthamaki Solomoni aathanaga.

1Maû 17:8

Nîrethagîrwa nawe kûrîa kuonthe ûrathiîcaga na nîravootaga nthû ciaku cionthe wa ûrîa ûrathiîcaga na mbere, na nîngaagûtua mûndû ûrî na îgweta wata atongoria arîa anene a nthî.

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

1Maû 22:16

na thaavu, sîlûva, gîcango na cuuma. Ûkîra rîu wambîrîrie wîra, na Ngai-Mûnene ethagîrwe nawe!”

1Maû 29:23

Kwoguo Solomoni nîwekarîre gîtî Kîam ûthamaki wa Ngai-Mûnene na agîtuîka mûthamaki vuva wa îthe Daudi. Ûthamaki wake nîwevandire na andû onthe a Isiraeli nîmaamwathîkagîra.

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

1Maû 29:30

Mandîko mau nîmatarîrîtie ûvoro wîgiî wathani wake, ûvoti wake na maûndû marîa meekîkire kûrî ke, kûrî vûrûri wa Isiraeli na kûrî mavûrûri marîa maaûthiûrûrûkîrîtie.

2Maû 32:23

Andû eengî nîmaaûkire Jerusalemu kûretera Ngai-Mûnene iveo, na nîmaavirîre Hezekia mûthamaki wa Juda indo cia goro. Kuuma vîndî îo mûthamaki Hezekia nîwatîirwe nî mavûrûri monthe.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Josh 3:7

Nake Ngai-Mûnene nîwerire Joshua atîrî, “Ûmûnthî ûndû ûrîa ngwîka nî wa gûtûma ûneneve methorî ma andû onthe a Isiraeli, nîguo mamenye atî ngethagîrwa nîrî nawe ta ûrîa nethagîrwa nîrî na Musa.