2Joh 1:5 - ÎVUKU RÎA ÛVORO MWARO

⁵ Kwoguo we mûndûmûka mûtîîe, nîrakûthaitha atî tuonthe twendanage mûndû na ûrîa wîngî. Rîîrî tî rîathani rîcerû nîrakwandîkîra, nî rîathani rîrîa twegwire kuuma wa Kîammbîrîria.

2Joh 1:5 ပူးပေါင်းရင်းမြစ်များ

Johana 15:12

Narîo rîathani rîakwa nî rîîrî: Endanagani wa ta ûrîa nîmwendete.

Johana 15:17

Narîo rîathani rîakwa nî rîîrî: Endanagani.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

Ahib 13:1

Endanagani mûndû na ûrîa wîngî ta ariû na aarî a îthe wetû.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

2Pet 1:7

Ûngairî wenyu mwongagîrîre ûtaana kûrî aarî na ariû a îthe wetû, ûtaanarî wenyu kûrî aarî na ariû a îthe wetû mwongagîrîre wendani.

1Joh 3:11

Ndûmîrîri îrîa mwegwire kuuma wa Kîammbîrîria nî îno: nwanginya twendanage.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 4:20

Mûndû angiuga atî nîendete Ngai, nwatî ethîrwe nî amenete mûrwang'ina kana mwarwang'ina, ke nî mûthaani. Nîûndû mûndû ûrîa ûtendete mûrwang'ina ûrîa onaga ndangîvota kwenda Ngai ûrîa atonaga.

2Joh 1:1

Nie mûthuuri nîrandîkîra mûndûmûka mûtîîe wa vamwe na ciana ciake arîa mendete mûno. Twa nie nienga nîmwendete, nwatî nîmwendetwe nî arîa onthe mecî ûma.