2Joh 1:4 - ÎVUKU RÎA ÛVORO MWARO

⁴ Nie nînakenire mûno nona ciana imwe ciaku ikîrûmîrîra ûvoro wa ma wata ûrîa twathirwe nî Vava wetû.

2Joh 1:4 ပူးပေါင်းရင်းမြစ်များ

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Malaki 2:6

Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.

1Akor 13:6

Wendani ndûkenagîra maûndû marîa macûku, nwatî nîûkenagîra ûvoro wa ma.

Agal 2:14

Rîrîa nonire atî andû acio tîarûngîrîru kûringana na ûma wa ûvoro mwaro, nînerire Petero andû onthe marî vo atîrî, “We wî Mûyahudi, nwatî wîthîrîtwe ûgîtûûra ta andû a Ndûrîrî na tî ta Mûyahudi. Nî atîa vi ûngîvota kûringîrîria andû a Ndûrîrî gûtûûra ta Ayahudi?”

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Afil 4:10

Nîrî na gîkeno mûno nîrî ndaarî ya Mwathani, nîûndû vuva wa kavinda karaca nîmûgîte na kanya ga kûnîîciria. Ndirauga atî kûrî vîndî mwariganîrîtwe nî nie, nwatî mûtiagîa na kanya ga kwonania atî nîmûranîciria.

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.