2Atha 9:17 - ÎVUKU RÎA ÛVORO MWARO

¹⁷ Rîrîa mûrangîri wa îtûûra aarûngamîte îgûrû rîa nyomba ndaca na îgûrû kûu Jezireeli, nîwonire Jehu na gîkundi Kîam andû ake maûkîte na akiuga atîrî, “Nînîrona andû maûkîte!” Nake Joramu nîwaugire atîrî, “Tûma mûndû ûmwe ûrîa ûthiîcaga atûîte mbarathi athiî agatuîrie amenye kana maûkîte na thayû.”

2Atha 9:17 ပူးပေါင်းရင်းမြစ်များ

2Sam 13:34

Kavindarî wa kau Abusalomu nîwaûrire. Nake mûthigari ûrîa warangagîra nîwaroririe na akîona gîkundi kînene Kîam andû kînyûrûkîte na varavara kuuma Horonaimu, îthiîte na rûtere rwa kîrîma.

2Sam 18:24

Vîndî îrîa Daudi eekarîte nthî gatagatîrî ga kîvingo Kîam nja na Kîam ndarî, mûndû ûrîa warangagîra îtûûra nîwatûîre îgûrû rîa rûthingo na akîrûngama îgûrû rîa kîvingo Kîam nja. Rîrîa aaroririe nîwonire mûndû avinyûrîte arî wenga.

1Atha 2:15

Adonija nîwacokirie atîrî, “Nîwicî atî nînie nîngîatuîkire mûthamaki na atî andû onthe a Isiraeli nîguo meeriragîria. Nwatî nîgwekarire ûndû wîngî na mûrwaiya agîtuîka mûthamaki nîûndû nîguo Ngai-Mûnene eendete.

2Atha 7:14

Kwoguo nîmaathuurire arûme amwe, na mûthamaki akîmatûma mathiî na ikaari igîrî cia mbaara nîguo makamenye ûrîa gwekîkîte kûrî athigari a mbaara a Sîria.

2Atha 9:11

Rîrîa Jehu aacokire kûrî anene acio engî, anene acio nîmaamûririe atîrî, “Maûndû monthe nî maro? Mûndû ûcio wa ngoma araûkîte kûrî we nîkî?” Nake Jehu nîwamacokerie atîrî, “Mue nîmwîcî mûndû ûcio na nîmwîcî ûrîa aragia.”

2Atha 9:16

Jehu nîwacokire agîtwa gîkaari gîake na akîthiî Jezireeli kûrîa Joramu aanogokete, nake Ahazia mûthamaki wa Juda nîwathiîte kuo kûmûcerera.

2Atha 9:18

Kwoguo mûndû ûmwe nîwatûîre mbarathi na akîthiî gûtûnga Jehu na akîmûria atîrî, “Mûthamaki nîarenda kûmenya kana ûkîte na thayû.” Nake Jehu nîwamûcokerie atîrî, “Ûcio tî wîra waku. Coka vuva wakwa na ûnûmîrîre!” Mûrangîri wa îtûûra nîwaugire atîrî, “Mûnjaama nîwakinya kûrî o, nwatî ndaracoka.”

2Atha 9:19

Joramu nîwatûmire mûnjaama wa kaîrî athiî kûrî Jehu na gîkundi Kîam andû ake na akîmûria atîrî, “Mûthamaki arenda kûmenya kana ûkîte na thayû.” Nake Jehu nîwamûcokerie atîrî, “Ûcio tî wîra waku. Coka vuva wakwa na ûnûmîrîre.”

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 17:22

Daudi nîwatigire irio irîa aakuuîte kûrî mûndû ûrîa wamenyagîrîra irio cionthe, akîvinyûra na kûrîa mbaara yarûagîrwa na agîkethia aa mûrwang'ina.