2Atha 9:14 - ÎVUKU RÎA ÛVORO MWARO

¹⁴ Jehu nîwacokire akîvanga ûrîa akûragithia mûthamaki Joramu. (Vîndî îo, Joramu vamwe na anene acio engî onthe maarangîrîte îtûûra rîa Ramothu kûu Gileadi nîûndû wa Hazaeli, mûthamaki wa Sîria;

2Atha 9:14 ပူးပေါင်းရင်းမြစ်များ

1Atha 15:27

Baasha mûvîcî wa Ahija kuuma mûvîrîgarî wa Isakaru nîwavangire ûrîa akûraga Nadabu. Baasha nîwaûragîre Nadabu îtûûrarî rîa Gibethoni kûu Filisiti, rîrîa Nadabu na Aisiraeli onthe maathiûrûrûkîrîtie îtûûra rîu nîguo marîcunane.

1Atha 16:16

Rîrîa meegwire atî Zimuri nîwavangîte ûrîa akûraga mûthamaki na akîmûraga, onthe nîmaacokire makîthuura Omuri, mûnene wa athigari a mbaara na agîtuîka mûthamaki wa Isiraeli mûthenya wa ûcio.

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

1Atha 16:9

Ndungata yake Zimuri, ûrîa warî mûnene wa nuthu ya ikaari ciake cia mbarathi nîwavangire ûrîa akûmûraga. Mûthenya ûmwe mûthamaki Ela arî kûu Tiriza nîwanyuire ndivei arî mûciî kwa Ariza na akîrîwa. Ariza aarî mûmenyereri wa mûciî wa mûthamaki kûu Tiriza.

1Atha 22:3

Ahabu nîwaûririe ndungata ciake atîrî, “Nîmwicî atî Ramothi-gileadi nî gwetû? Nîndûî kîratûma tûrega kûthiî gûtava îtûûra rîu kuuma kûrî mûthamaki wa Sîria?”

2Atha 10:9

Kîraûko gwakîa, Jehu nîwaumire na akîthiî kîvingorî gîa îtûûra. Nîwarûngamire mbere ya andû onthe arîa maarî vo na akiuga atîrî, “Mue mûtirî na mavîtia. Nie nînie naavangire ûrîa ngûregana na mwathi wakwa, na ngîmûraga. Nwatî nû waûragire aya onthe?

2Atha 12:21

Aaûragirwe nî ndungata ciake, Isakaru mûvîcî wa Shimeathi marî na Jehozabadi mûvîcî wa Shomeri. Nîmaamûthikire mbîrîrarî cia athamaki kûu îtûûrarî rînene rîa Daudi, nake mûvîcî Amazia nîwatuîkire mûthamaki vuva wake.

2Atha 15:30

Mwakarî wa mîrongo îîrî (20) Jothamu. Mûvîcî wa Uzia arî mûthamaki wa Juda, Hoshea mûvîcî wa Ela nîwavangire ûrîa akûraga mûthamaki Peka. Nîwamûragire na agîtuîka mûthamaki vuva wake.

2Atha 8:28

Mûthamaki Ahazia nîmaaûnganire na mûthamaki Joramu na makîthiî kûrûa na mûthamaki Hazaeli wa Sîria. Mbaara îo yarûîrwe Ramothu kûu Gileadi, na Joramu nîwativirue nî andû a Sîria.

2Atha 8:29

Mûthamaki Joramu nîwacokire îtûûrarî înene rîa Jezireeeli nîguo akavorere ironda kuo, nake Ahazia mûvîcî wa Jehoramu mûthamaki wa Juda nîwathiîre Jezireli kûmûcerera nîûndû aarî mûrwaru.

2Atha 9:2

Wakinya kuo, ûgaacaria Jehu, mûvîcî wa Jehoshafati. Jehoshafati aarî mûvîcî wa Nimushi. Wamwona ûmûrute kûrî arata ake na mûthiî nake kanyombarî ka ndaarî.

2Atha 9:31

Rîrîa Jehu aatonyire kîvingorî, Jezebeli nîwaûririe atîrî, “Zimuri, we ûraûragire mwathi waku ûkîte na thayû?”