2Atha 8:7 - ÎVUKU RÎA ÛVORO MWARO

⁷ Elisha nîwathiîre Damesiki vîndî îrîa mûvîcî wa Hadadi, mûthamaki wa Sîria aarî mûrwaru. Rîrîa mûthamaki eerirwe atî Elisha aarî kûu,

2Atha 8:7 ပူးပေါင်းရင်းမြစ်များ

Kîam 14:15

Arî kûu, Aburamu nîwagaanirie andû ake a mbaara ikundi, na makîthithûkîra nthû ciao ûtukû. Ke na njamba ciake nîmaavootire andû acio makîmavinyûria makîmakinyia nginya Hoba mwena wa rûgûrû wa Damesiki.

1Atha 11:24

Rezoni nîwaûnganîtie gîkundi Kîam andû arîa maareganaga na wathani wa Daudi rîrîa Daudi aaûragire andû a Zoba. Rezoni nîwatuîkire mûtongoria wa gîkundi kîu. Andû acio nîmaathiîre Damesiki na magîtûûra kuo nake Rezoni agîtuîka mûthamaki wao.

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Atha 15:18

Asa nîwacokire akîruta sîlûva yonthe na thaavu irîa ciatigîtwe hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre mûthamaki Benihadadi, mûvîcî wa Tabirimoni. Tabirimoni aarî mûvîcî wa Hezioni, mûthamaki wa Sîria, ûrîa watûûraga Damesiki. Nîwerire ndungata icio ciîre Benihadadi atîrî,

1Atha 20:1

Benihadadi, mûthamaki wa Sîria nîwaûnganirie athigari ake onthe. Nîwatethererue nî athamaki engî mîrongo îthatû na aîrî (32) marî na mbarathi ciao na ikaari cia mbaara, nîwathiîre akîthiûrûrûkîria îtûûra rîa Samaria na akîrîtharîkîra.

1Atha 20:34

Benihadadi nîwerire Ahabu atîrî, “Nîngaagûcokeria matûûra marîa vava aacunire aguo, na nwa wambîrîrie thoko kûu Damesiki, wata ûrîa vava eekire kûu Samaria.” Nake Ahabu nîwamûcokerie atîrî, “Nîngûrekereria nîûndû wa ûguo wauga.” Kwoguo Ahabu nîwarûthire kîrîkanîro na Benihadadi na akîmûrekereria akîthiî.

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Atha 2:15

Rîrîa gîkundi Kîam arathi mîrongo îtano arîa maarî Jeriko maamwonire, nîmaaugire atîrî, “Elisha arî na roho wa Elija!” Nîmaathiîre kûmûtûnga na makînamîrîria mothiû mao nthî mbere ya Elisha,

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

2Atha 6:24

Vuvarî, Benihadadi, mûthamaki wa Sîria nîwatongoririe athigari ake onthe a mbaara na makîthiî makîrigicîria îtûûra rîa Samaria.

2Atha 8:6

Mûthamaki nîwaûririe mûndûmûka ûcio ûvoro ûcio; nake mûndûmûka nîwamwîrire wata ûrîa Gehazi aamwîrîte. Kwoguo mûthamaki nîwetire ndungata îmwe yake na akîmîra atîrî, “Cokeria mûndûmûka ûyû indo cionthe irîa ciarî ciake vamwe na irio cionthe cia mîgûnda irîa ciakethetwe îvinda rîa mîaka mûgwanja kuuma rîrîa aaumire vûrûrirî ûyû nginya ûmûnthî.”

Isaia 7:8

Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.

Jeremia 40:5

“Weciria gûtigwa gûkû, coka kûrî Gedalia mûvîcî wa Ahikamu, mûvîcî wa Shafani. Gedalia nîwathuurirwe nî mûthamaki wa Babuloni atuîke wa kwatha matûûra ma Juda. Îkaraniani nake na mûtûûranie na andû acio engî, kana ûthiî varîa ûkwona vakwagîrîrîte.” Kwoguo mûnene wa arangîri nîwavere Jeremia kîveo na irio na akîmûrekia athiî.

Ciîko 17:6

Nwatî rîrîa maaregire kûmona, nîmaakururirie Jasoni na etîkia amwe makîmavira mbere ya athani a îtûûra na makiugîrîria atîrî, “Andû aya nîmatûmîte kûgîe na thîna kûndû kuonthe! Na rîu nîmaûka îtûûrarî rîetû,

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

Atir 16:2

Rîrîa andû a Gaza maamenyithirue atî Samusoni aarî kûu, nîmaathiûrûrûkîrie vandû vau makîmweterera ûtukû mûgima marî vau kîvingorî Kîam îtûûra. Nîmeekarire vau makirîte kivi makîîraga na ngoro atîrî, “Nîtûmweterera ava nginya gûkîe nîguo tûmûrage.”