2Atha 8:28 - ÎVUKU RÎA ÛVORO MWARO

²⁸ Mûthamaki Ahazia nîmaaûnganire na mûthamaki Joramu na makîthiî kûrûa na mûthamaki Hazaeli wa Sîria. Mbaara îo yarûîrwe Ramothu kûu Gileadi, na Joramu nîwativirue nî andû a Sîria.

2Atha 8:28 ပူးပေါင်းရင်းမြစ်များ

1Atha 19:17

Mûndû ûrîa ûkaavonoka kûûragwa nî Hazaeli nîakaaûragwa nî Jehu, na mûndû ûrîa ûkaavonoka kûûragwa nî Jehu nîakaaûragwa nî Elisha.

1Atha 22:29

Kwoguo Ahabu, mûthamaki wa Isiraeli na Jehoshafati, mûthamaki wa Juda nîmaathiîre kûtharîkîra îtûûra rîa Ramothi-gileadi.

1Atha 4:13

Benigeberi aathanaga îtûûrarî rîa Ramothi rîrîa rîarî Gileadi na icagi cia Gileadi cia mûvîrîga wa Jairi. Jairi aarî wa rûciaro rwa Manase. Nwa wathaga vûrûri wa Arigobu kûrîa Bashani na kûu nîkuo kwarî na matûûra mîrongo îtandatû marîa manene mairigîrîtwe na nthingo, na ivingo ciathondeketwe na cuuma cia gîcango.

2Atha 3:7

Nîwatûmanire kûrî Jehoshafati, mûthamaki wa Juda akerwe atîrî, “Mûthamaki wa Moabu nîmûreganu nanie; nîûkwenda tûthiî nawe tûkarûe na andû a Moabu?” Nake mûthamaki Jehoshafati nîwacokirie atîrî, “Nîtûkûthiî; nie nawe tûrî kîndû kîmwe, andû akwa nwa ta andû aku, na mbarathi ciakwa nwa ta mbarathi ciaku.

2Atha 8:15

Nwatî mûthenya ûcio wîngî, Hazaeli nîwocire mûrengeti, akîûrinda manjîrî na akîovania mûthamaki ûthiû naguo na agîkua. Hazaeli nîwacokire agîtuîka mûthamaki wa Sîria vuva wa Benihadadi.

2Atha 8:29

Mûthamaki Joramu nîwacokire îtûûrarî înene rîa Jezireeeli nîguo akavorere ironda kuo, nake Ahazia mûvîcî wa Jehoramu mûthamaki wa Juda nîwathiîre Jezireli kûmûcerera nîûndû aarî mûrwaru.

2Atha 9:1

Mûrathi Elisha nîwacokire agîta ûmwe wa gîkundi Kîam arathi na akîmwîra atîrî, “Îîvarîrie na woce mûcuva ûyû wa maguta na ûthiî Ramothu kûu Gileadi.

2Atha 9:14

Jehu nîwacokire akîvanga ûrîa akûragithia mûthamaki Joramu. (Vîndî îo, Joramu vamwe na anene acio engî onthe maarangîrîte îtûûra rîa Ramothu kûu Gileadi nîûndû wa Hazaeli, mûthamaki wa Sîria;

2Atha 9:15

nwatî mûthamaki Joramu nîwacokete Jezireeli nîguo akavorere ironda kuo irîa aativîrîtue mbaararî kûu Ramothu rîrîa maarûaga na Hazaeli, mûthamaki wa Sîria.) Kwoguo Jehu nîwerire anene acio engî atîrî, “Ethîrwa nîmwetîkania nanie, mûtikareke wanarî mûndû ûmwe auma gûkû Ramothu athiî kwîra andû a Jezireeli ûvoro ûcio.”

2Atha 9:16

Jehu nîwacokire agîtwa gîkaari gîake na akîthiî Jezireeli kûrîa Joramu aanogokete, nake Ahazia mûthamaki wa Juda nîwathiîte kuo kûmûcerera.

2Maû 18:31

Rîrîa anene acio a ikaari cia mbarathi moonire Jehoshafati, nîmeciririe atî nîke mûthamaki wa Isiraeli, kwoguo nîmaagarûrûkire nîguo mamûtharîkîre. Nwatî Jehoshafati nîwaugîrîrie na Ngai-Mûnene nîwamûtethirie. Ngai nîwatûmire andû arîa maamûtharîkagîra matige kûmûtharîkîra.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 22:5

Ahazia nîwarûmîrîre ûtaaro wa andû acio na akînyitanîra na Joramu, mûvîcî wa Ahabu na makîthiî kûrûa na Hazaeli, mûthamaki wa Sîria. Maarûagîra Ramothi-gileadi na Joramu nîwagurarirue.

Josh 20:8

Naguo mûringo wa rûnjî rwa Jorodani, îrathîro rîa Jeriko nîmaathuurire Bezeri vûrûrirî wa Reubeni, Ramothi vûrûrirî wa Gileadi kuuma mûvîrîgarî wa Gadi na Golani îrîa îrî Bashani vûrûrirî wa Manase.

Josh 21:38

Kuuma mûvîrîgarî wa Gadi nîmaaveerwe Ramothu îtûûra rîrîa rîrî Gileadi (îtûûra rîmwe rîa kwîthitha), Mahanaimu,