2Atha 8:20 - ÎVUKU RÎA ÛVORO MWARO

²⁰ Vîndî ya ûthamaki wa Jehoramu, andû a Edomu nîmaaregire kwathwa nî mûthamaki wa Juda na nîmaathuurire mûthamaki wao.

2Atha 8:20 ပူးပေါင်းရင်းမြစ်များ

Kîam 27:40

Nîûtûûra ûrûaga na ûrî ndungata ya mûrwanyûkwe, nwatî rîrîa ûkaaregana nake nîûkaagîa na wîyathi, na ndagaakwatha rîngî.”

2Sam 8:14

Ke nîwatumire ciîkaro cia athigari ake a mbaara vûrûrirî wonthe wa Edomu, nao andû a kuo magîtuîka ndungata cia Daudi. Nake Ngai-Mûnene nîwatûmire Daudi avootane kûrîa kuonthe aathiîcaga.

1Atha 22:47

Vûrûri wa Edomu ndwarî na mûthamaki. Vûrûri ûcio wathagwa nî mûnini wa mûthamaki.

1Atha 22:48

Mûthamaki Jehoshafati nîwatumire meri cia Tarishishi cia kûgîra thaavu vûrûrirî wa Ofiri; nwatî meri icio itiathiî nîûndû nîciaunîkangîre Ezioni-geberi.

2Atha 14:7

Amazia nîwaûragîre athigari a Edomu Kîandarî gîa cumbî na akîîgwatîra îtûûra rînene rîa Sela na akîrîta Jokitheeli, na nwaguo rîtagwa nginya ûmûnthî.

2Atha 3:26

Rîrîa mûthamaki wa Moabu aamenyire atî nîakûvootwa mbaararî, nîwocire arûme magana mûgwanja (700) arîa maarûaga na mviû na makîgeria kûûrîra kûrî mûthamaki wa Edomu, nwatî matiavota.

2Atha 3:27

Nîwacokire agîoca îrikithathi rîake rîa kavîcî ûrîa warî atuîke mûthamaki vuva wake na akîmûrutîra îgûrû rîa rûthingo rwa îtûûra kûrî ngai ya Moabu rîrî îtega rîa kûvîvua. Andû a Isiraeli nîmaarakarire mûno: kwoguo nîmaaumire kûu îtûûrarî na magîcoka vûrûrirî wao.

2Atha 3:9

Kwoguo Jehoramu, mûthamaki wa Isiraeli nî maathiîre na mûthamaki wa Juda na wa Edomu. Vuva wa kûthiîrîra njîrarî yarî na ithioro nyîngî îvinda rîa mîthenya mûgwanja, manjî marîa maarî namo nîmaathirire. Kwoguo matiarî na manjî mangîanyuirwe nî athigari kana nyamû irîa maathiîte nacio.

2Atha 8:22

Kwoguo andû a Edomu nîmaaregire kwathagwa nî mûthamaki wa Juda nginya ûmûnthî. Îvindarî wa rîu nwarîo andû a îtûûra înene rîa Libuna wanao maareganire na wathani wa Juda.